>> အပိုင်း(၁) အားဖတ်ရှုရန်
Creative ဒီဇိုင်း
အရင် အလယ်ခေတ်မတိုင်ခင်က Logo တွေက Public Identification နဲ့ Brand Recognition အတွက်သာ ဦးတည်ခဲ့တာပါ။
ဒါပေမယ့် ၁၉၅၆ မှာ Paul Rund ကနေ IBM အတွက် လုံးဝကို Iconic ဖြစ်တဲ့ မျက်လုံး (eye => I )နဲ့ ပျား (bee => B) ပုံပါတဲ့ pictographic Logo ကို စတင်သုံးစွဲခဲ့ပြီး နောက်ပိုင်းမှာတော့ Logo လောကအတွက် ကြီးမားတဲ့ အလှည့်အပြောင်းတစ်ခုဖြစ်လာစေခဲ့ပါတယ်။
ကုမ္ပဏီတွေကလည်း Logo တွေရဲ့ အရေးပါပုံကို စတင်သတိပြုမိလာပြီးနောက်ပိုင်းမှာတော့ ကိုယ့်Brand ကို မှတ်မိစေချင်ရုံ ဆွဲထားတဲ့ Logo တွေကို ဖန်တီးရာကနေ Branding အတွက်် ရည်ရွယ်တဲ့ Logo တွေကို ပိုပြီး ဖန်တီးလာကြပါတယ်။
၁၉၆၀ ခုနှစ် အစောပိုင်းမှာ လန်ဒန် Graphic Design နှင့် အနုပညာနယ်ပယ်ရပ်မှ ဦးဆောင်သူတွေပူပေါင်းပြီးတော့ Design လောက ပိုဖွံဖြိုးအောင်လုပ်ဆောင်ဖို့ကိုလည်း တိုင်ပင်ဆုံးဖြတ်ခဲ့ကြပါတယ်။ ၁၉၆၂ ခုနှစ်မှာတော့ D&AD ဆိုတဲ့ Design and Art Direction ဆိုတဲ့ အဖွဲ့အစည်းတစ်ခုတည်ထောင်ပြီး Advertising and Design Promotion တွေကိုအဓိကထား လုပ်ဆောင်ခဲ့ကြပါတယ်။ ၁၉၆၂ နဲ့ ၁၉၆၄ ခုနှစ်ကြားကာလမှာတော့ Charles Csuri နှင့် A. Michael Noll ဆိုသူတို့ဟာ Logo Design လောကအတွက် အပြောင်းအလဲတစ်ခုဖြစ်လာစေမယ့် Computer Art တစ်ချို့ကို စတင်ဖန်တီးခဲ့ကြပါတယ်။
၁၉၇၇ ခုနှစ်ကတော့ Logo Design တွေအတွက် အောင်လံတံခွန်စိုက်ထူတဲ့နှစ်လို့ပြောရမှာပါ။ Milton Glaser ဒီဇိုင်းဆွဲခဲ့တဲ့ I heart NY pictogram logo ကို New York State Department of Commerce ကနေ Tourist တွေကို ဆွဲဆောင်ဖို့အတွက် Marketing Campaign တစ်ခုမှာ အသုံးပြုခဲ့ကြပါတယ်။
၎င်းခုနှစ်အတွင်းမှာပဲ US National Highway Traffic Safety Administration (NHTSA) ကနေ “The Star of Life” Logo ကို ရေးဆွဲခဲ့ပါသေးတယ်။ Logo ပေါ်မှာတော့ ခြောက်ဖက်ချွန် အပြာရောင် ကြယ်နှင့်အတူ Rod of Asclepius ကို ပေါင်းစည်းပုံဖော်ထားပါတယ်။ ဒီ Logo ကိုတော့ အရေးပေါ်ကားတွေ EMS ကားတွေပေါ်မှာ ယနေ့တိုင် အသုံးပြုလျက်ရှိပါတယ်။
ပြောရမယ်ဆိုရင်တော့ ၂၀ရာစုရဲ့ နောက်ပိုင်းတစ်ဝက်လောက်မှာတော့ Business လုပ်ငန်းတွေအတွက် Logo တွေက မရှိမဖြစ် အရေးပါလာခဲ့ကြတာကို တွေ့ရမှာပါ။ အကယ်၍ သင့်လုပ်ငန်းကို သုံးစွဲသူ မျက်လုံးထဲမှာ အမှတ်ရနေစေချင်တယ်ဆိုရင်တော့ Unique, Simple & Clean ဖြစ်တဲ့ Logo တစ်ခုတော့ ရှိမှရမှာပါ။
ဒီဂျစ်တယ်ခေတ်
ဒီဂျစ်တယ် ခေတ်ကို ပြောင်းလဲလာတဲ့ ၁၉၇၀ ဝန်းကျင်မှာတော့ Computer-Generated Imagery (CGI) နဲ့ Computer-aided Drawing (CAD) စတဲ့ နည်းပညာတွေ ပေါ်ပေါက်လာပြီး Logo လောကအတွက် အခွင့်အလမ်းများစွာ ပေါ်လာခဲ့ပါတယ်။
၁၉၉၀ ခုနှစ်ပိုင်းမှာတော့ လူထုလက်ထဲကို Personal computers တွေရောက်ရှိလာခဲ့ပါတယ်။ ၂၀၀၀ခုနှစ်အစောပိုင်းမှာ Adobe ကနေ InDesign and Photoshop Software ကို စတင်မိတ်ဆက်ခဲ့ပြီး Digital Graphic Design tools ပေါင်းများစွာကို လူတွေဆီ ယူဆောင်လာခဲ့ပါတယ်။ ဒါကြောင့်ပဲ လုပ်ငန်းငယ်တွေက အေဂျင်စီ တွေကို ဈေးကြီးပေးပြီး ငှားစရာမလိုတော့ဘဲ ကိုယ်တိုင် Logo တွေကို စတင်ဖန်တီးလာခဲ့ကြပါတယ်။
လူအဖွဲ့အစည်းတွေက ဒီဂျစ်တယ် ခေတ်နဲ့အညီ စီးမြောနေတာနဲ့အမျှ Screen ပေါ်ကနေတဆင့် Media တွေကို ပိုမိုကြည့်ရှုလာခဲ့ကြပါတယ်။ ဒါကြောင့်မို့ Designer တွေ Brand တွေကလည်း သူတို့ရဲ့ Logo တွေကို ပိုပြီး စိတ်ဝင်စားအောင် ဆန်းသစ်ဖန်တီးလာကြပါတယ်။
ဥပမာအားဖြင့် MTV က သူတို့ Brand ရဲ့ အမြဲတက်ကြွပြောင်းလဲမှုကို ဖော်ပြတဲ့အနေနဲ့ Basic Logo ကို အခြေခံပြီး အမြဲတမ်း Logo တွေကို ပြောင်းလဲမှုတွေ ပြုလုပ်ခဲ့ပါတယ်။
အင်တာနက်တွေစပေါ်တဲ့ အစောပိုင်းကာလတွေမှာတုန်းက Designer တွေက သူတို့ရဲ့ Logo တွေကို ပိုပြီး ထင်ပေါ်နေအောင် drop shadows, gradients, textures စတဲ့ Features တွေအသုံးပြုပြီးတော့ Screen ကနေ ခုန်ထွက်လာသယောင် ဖန်တီးခဲ့ပါတယ်။
နောက်ပိုင်းမှာ လူတွေက ဒီဂျစ်တယ် နည်းပညာတွေနဲ့ အသားကျသွားတဲ့အခါမှာတော့ 2D ကမ္ဘာမှာ 3D ပုံဖြစ်အောင် တုပစရာမလိုတော့ဘဲ ပိုပြီး Flat & Minimal Design ဘက်ကို ပြန်ဦးတည်လာခဲ့ပါတယ်။ ဥပမာအနေနဲ့ကြည့်ရင် ၁၉၉၈ခုနှစ်မှာ ထွက်ရှိခဲ့တဲ့ 3D ပုံသဏ္ဌာန် Google Logo ကို ယနေ့ခေတ်သုံးစွဲနေတဲ့ Clean and Modern Look Logo နဲ့ ယှဉ်ကြည့်ရင် ပိုပြီးမြင်သာစေမှာပါ။
Consistency က အဓိကကျပေမယ့်လည်း ခေတ်ရေစီးကြောင်းကို လိုက်ဖို့လိုတာကြောင့်တစ်ကြောင်း ပြောင်းလဲလာတဲ့ Brand Identity ကို ထိန်းသိမ်းဖို့လိုတာကြောင့်တစ်ကြောင်း ကုမ္ပဏီတွေက Logo ကို ခေတ်နှင့် လိုက်လျောညီထွေအောင် ပြောင်းလဲဖို့လိုအပ်ကြောင်းသတိထားမိလာကြပါတယ်။ ဥပမာအနေနဲ့ Instagram Logo ကိုကြည့်ပါ။ ဒါပေမယ့် အလုံးစုံပြောင်းလဲစရာတော့မလိုအပ်ပါဘူး။ ပိုကောင်းမွန်အောင် Style အနည်းငယ်ပြောင်းလဲခြင်းကိုသာ ဆိုလိုတာပါ။
အချုပ်အားဖြင့်ဆိုရသော် Logo လောကရဲ့ အကောက်အကွေ့များပြီး ကျယ်ပြန့်လှတဲ့ သမိုင်းကြောင်းကို ကြည့်ပါက အလွန်စိတ်ဝင်စားဖွယ်ကောင်းတာကိုတွေ့ရမှာပါ။ ဒါ့အပြင် ယနေ့တိုင် ခေတ်စားနေတဲ့ Logo တွေရဲ့ သမိုင်းကြောင်းတွေ ခေတ်အဆက်ဆက်ဖြစ်တည်လာတဲ့ Logo လောကအကြောင်းကိုလည်း အနည်းငယ်သိရှိသွားနိုင်ဖို့ မျှော်လင့်ပါတယ်။
ကိုးကားချက် – Sufio
#logohistorymyanmar #myanmardesignchannel #logoသမိုင်းကြောင်း
