April fools လို့ ခေါ်တဲ့ April တစ်ရက်နေ့မှာ Asus က ROG Ally လို့ နာမည်ပေးထားတဲ့ လက်ကိုင် PC Game စက်ကို မိတ်ဆက်ခဲ့ပါတယ်။ April တစ်ရက်နေ့မှာ မိတ်ဆက်လို့ April fools လုပ်တာတော့ မဟုတ်ပါဘူး။
လက်ကိုင် PC Game စက်တွေမှာ နာမည်ကြီးတဲ့ Valve ရဲ့ Steam Deck ထပ်ကို ROG Ally က preformance ပိုင်းမှာရော Display ပိုင်းမှာရော ပိုကောင်းတယ်လို့ သိရပါတယ်။ Steam Deck နဲ့ ROG Ally တို့ရဲ့ တူတဲ့အချက်ကတော့ Steam မှာ တင်ထားတဲ့ PC Game တွေအားလုံးကို ကစားလို့ရမည့်အပြင် အခြား Platform တွေက Game တွေကိုလည်း ကစားလို့ရမှာ ဖြစ်ပါတယ်။
![](https://bunny-wp-pullzone-wi4ruizkvc.b-cdn.net/wp-content/uploads/2023/04/ASUS-ROG-ALLY-DAVE2D-3-1024x512.jpg)
ပုံထဲမှာ မြင်ရတဲ့အတိုင်း ROG Ally ရဲ့ Display ဟာ ၇လက်မ 16:9 screen ဖြစ်ပြီး resolution က 1920 x 1080 နဲ့ ဖြစ်ကာ အလင်းအားက 500 Nits အထိရမှာဖြစ်သလို 120 Hz နဲ့ အသုံးပြုနိုင်မှာ ဖြစ်ပါတယ်။ Steam Deck ကတော့ ၇လက်မ 16:10 screen ဖြစ်ပြီး 1280 x 800 resolution ရရှိမှာဖြစ်ကာ အလင်းအားမှာ 400 Nits ပဲ ရမယ့်အပြင် 60 Hz ထိပဲ အသုံးပြုနိုင်မှာ ဖြစ်ပါတယ်။
ROG Ally ရဲ့ အရွယ်အစားကို ပြောရရင် 280mm x 113mm x 39mm ဖြစ်ပြီး 608g လောက် အလေးချိန်ရှိမှာ ဖြစ်ကာ Steam Deck ကတော့ 298mm x 117mm x 50.5mm အရွယ်ဖြစ်ပြီး 669g အလေးချိန်ရှိပါတယ်။ ဒီလိုဆိုတော့ ROG Ally ဟာ Steam Deck လို ၇လက်မ screen ပေါ်မှာ ကစားရတာခြင်းအတူတူ resolution ပိုင်း၊ preformance ပိုင်းအပြင် ကိုယ်သွယ်ရတဲ့ အရွယ်အစားနဲ့ အလေးချိန်မှာပါ Steam Deck ထပ်အားသာချက်ရှိတာ တွေ့ရပါတယ်။
![](https://bunny-wp-pullzone-wi4ruizkvc.b-cdn.net/wp-content/uploads/2023/04/ally.jpg)
ROG Ally ကို ဘယ်အချိန်မှာ စတင်ရောင်းချပေးမယ်၊ ဘယ်လောက်ဈေးနဲ့ ရောင်းချပေးမယ်ဆိုတဲ့ အချက်အလက်တွေကိုတော့ Asus က မပြောသေးတာကြောင့် ROG Ally ကို မြင်ရဖို့ ထပ်စောင့်ရအုံးမှာ ဖြစ်ပါတယ်။
Discussion about this post