Covid ကာလထဲက ကျင့်သားရခဲ့တဲ့ WFH (Work From Home) အလုပ်တွေက ဒီနေ့ထိဆက်လက်ကျင့်သုံးနေကြဆဲပါပဲ။ Freelancers သမားတွေအတွက် မရှိမဖြစ် တက်မြောက်ထားသင့်တဲ့ Skills တွေဆိုလဲ မမှားပါဘူး။ သင်က တစ်ချိန်မှာ Freelance အလုပ်နဲ့ အသက်မွေးဝမ်းကြောင်းပြုမယ်ဆိုရင်တော့ အခုပြောပြမယ့် Skills တွေကို မဖြစ်မနေတက်ထားသင့်ပါတယ်။ Remote Jobs နဲ့ပတ်သတ်ပြီးတော့ ဘယ်အလုပ်တွေကို လုပ်နိုင်လဲဆိုတာတော့ ဒီမှာဝင်ရောက်ဖတ်ရှုနိုင်ပါတယ်။
Remote Jobs အတွက်မရှိမဖြစ် လိုအပ်တဲ့ Skills များ
ပထမဆုံးတက်ထားရမယ့် Skill က Tech Skill ဖြစ်ပါတယ်။ Tech Skill လို့ပြောရာမှာ ကွန်ပျူတာ စာစီစာရိုက် လုပ်တက်ရုံနှင့် မပြီးပါဘူး။ အကုန်လုံးကို တီးခေါက်မိထားဖို့လိုပါတယ်။ ဒီနေ့ခေတ်မှာ အလုပ်ရှင်တွေက ကွန်ပျူတာနဲ့ ပတ်သတ်ပြီး အရာအားလုံးကို အခြေခံသိထားတာမျိုးကို လိုချင်ကြပါတယ်။ Office ပိုင်းနဲ့ ပတ်သတ်တဲ့ Softwares တွေကတော့ အကျွမ်းတဝင်သိကို သိထားရပါမယ်။ ဒါ့အပြင် Photoshop skills, အလုပ်နှင့်သက်ဆိုင်တဲ့ Tools တွေကို အကျွမ်းတဝင် ဖြစ်နေတာမျိုး လိုအပ်ပါတယ်။ သင်က Programmer တစ်ယောက်မဟုတ်ရင်တောင် Basic Python လောက်တက်မြောက်ထားတာကို အလုပ်ရှင်တွေက မျှော်လင့်ကြပါတယ်။
တစ်ယောက်တည်းအလုပ်လုပ်နိုင်ပြီး ကိုယ့်ကိုယ်ကို ယုံကြည်မှုအပြည့်ရှိတဲ့ Skill ကိုလည်း အလုပ်ရှင်တွေက မျှော်လင့်ကြပါတယ်။ ဥပမာ သင်က အခြားလူတွေကိုမမှီခိုပဲ ကိုယ်လုပ်ရမယ့်အလုပ်တွေကို သတ်မှတ်ထားတဲ့အချိန်အတွင်းမှာ ပြီးမြောက်ဖို့လိုအပ်ပါတယ်။ သင့်မှာ လုပ်ရတဲ့အလုပ်နဲ့ပတ်သတ်ပြီး တစ်စုံတစ်ခုပြသနာရှိရင်လည်း ကိုယ့်ဆုံးဖြတ်ချက်နှင့် အကောင်းဆုံးဖြစ်မြောက်အောင် ဖန်တီးလုပ်ဆောင်တက်တဲ့ Skill လည်း လိုအပ်ပါတယ်။ ဥပမာ အလုပ်က သင့်ကိုသတ်မှတ်ထားတဲ့ အလုပ်ပေးထားပေမယ့် အလုပ်ရှင်က သင့်ကိုပေးအပ်ဖို့တစ်ခုခု ကျန်သွားတာဖြစ်ဖြစ်၊ မေ့နေတာဖြစ်ဖြစ် သင့်အနေနဲ့ ကိုယ့်နည်းကိုယ်ဟန်နှင့် တီထွင်ကြံဆပြီး အောင်မြင်သွားအောင်လုပ်နိုင်တဲ့ Skill လိုအပ်ပါတယ်။
ပေါင်းသင်းဆက်ဆံရေး Skill ကတော့ မရှိမဖြစ်လိုအပ်တဲ့ Skill ဖြစ်ပါတယ်။ အထူးသဖြင့်အလုပ်ရှင်တွေနှင့် ပေါင်းသင်းဆက်ဆံရာမှာ သူတို့အကြိုက်ကြီးပဲ မဖြစ်ပဲနှင့် သင့်ရဲ့ ကိုယ်ပိုင်တန်ဖိုးကိုလည်း မြင်တက်အောင် ချပြဖို့လိုပါတယ်။ ဒါမှ သင်နှင့် သင့်အလုပ်ရှင်ကြားမှာ လစာနှင့်ပတ်သတ်ပြီးဖြစ်စေ၊ အလုပ်နှင့် ပတ်သတ်ပြီးဖြစ်စေ နားလည်မှုတွေ တည်ဆောက်နိုင်မှာ ဖြစ်ပါတယ်။
ဘယ်နေရာမဆို လိုက်လျောညီထွေနေတတ်ခြင်း Skill ကိုလည်း လိုအပ်ပါတယ်။ အလုပ်လုပ်တဲ့နိုင်ငံအပေါ်မူတည်ပြီး နိုင်ငံအလိုက် Timezone အပေါ် အလုပ်လုပ်တက်ဖို့ Skill လည်း လိုအပ်ပါတယ်။ တစ်နည်းအားဖြင့် Time Management Skill လို့လည်းခေါ်ပြီး ပေးထားတဲ့အချိန်အတွင်းမှာ အလုပ်ကို ပြီးမြောက်နိုင်ရမှာ ဖြစ်ပါတယ်။ သင် အလုပ်လုပ်တဲ့ နိုင်ငံအပေါ်မူတည်ပြီး ယဉ်ကျေးမှုလည်း မတူညီတာကြောင့် အခြားနိုင်ငံရဲ့ ယဉ်ကျေးမှုတွေကိုလည်း လေးစားလိုက်နာဖို့ လိုအပ်ပါတယ်။
နောက်ဆုံးအနေနဲ့ကတော့ Collaboration Skill ဖြစ်တဲ့ အများနဲ့အလုပ်တူတူပေါင်းသင်း လုပ်နိုင်တဲ့ Skill ပဲဖြစ်ပါတယ်။ ဒီ Skill က သင့်မှာရှိပြီးသားဆိုရင်တော့ အလုပ်လုပ်တဲ့နေရာမှာ အများကြီးချောမွေ့တာကို သင်တွေ့ရှိရမှာ ဖြစ်ပါတယ်။
Discussion about this post