Google Photos မှာ ဓာတ်ပုံတွေကို Video အဖြစ်ပြောင်းပေးတဲ့ Feature ကို Veo 3 AI နဲ့ အဆင့်မြှင့်တင်

Google က သူ့ရဲ့နောက်ဆုံးထွက် Video ထုတ်လုပ်ပေးနိုင်တဲ့ AI model “Veo 3” ကို Google Photos app ထဲကို ထည့်သွင်းပေးလိုက်ပြီဖြစ်ပါတယ်။ ဒီ Feature အသစ်ကို app ထဲက “Create” tab မှာ တွေ့နိုင်မှာဖြစ်ပြီး လောလောဆယ်မှာတော့ US က သုံးစွဲသူတွေအတွက် မိမိရဲ့ ဓာတ်ပုံတွေကို Video Clip အဖြစ် ပြောင်းလဲနိုင်အောင် လုပ်ဆောင်ပေးမှာ ဖြစ်ပါတယ်။

Google Photos မှာ “Photo to Video” ဆိုတဲ့ Feature က အရင်ကတည်းက ရှိပြီးသားပါ။ ဒါပေမယ့် အရင် Feature က Veo 2 model ကိုပဲ သုံးထားတာဖြစ်ပြီး၊ အခု Veo 3 ကို ထည့်သွင်းလိုက်တဲ့အတွက် အရင်ကထက် ပိုပြီး High-Quality ဖြစ်တဲ့ Video တွေ ဖန်တီးပေးနိုင်မှာပါလို့ Google က ဆိုပါတယ်။

Google ကတော့ ဒီ Feature ကို သုံးပြီး အမှတ်တရတွေကို ပြန်လည်အသက်ဝင်စေတာမျိုး၊ ဓာတ်ပုံအဟောင်းလေးတွေကို လှုပ်ရှားမှုလေးတွေနဲ့ ပြန်ဖန်တီးတာမျိုး လုပ်နိုင်မယ်လို့ မျှော်လင့်ထားပါတယ်။ အရင် Veo 2 feature တုန်းကတော့ ဓာတ်ပုံတစ်ပုံကိုရွေးပြီး “subtle movements” (သိမ်မွေ့တဲ့ လှုပ်ရှားမှုလေးတွေ) နဲ့ “I’m feeling lucky” ဆိုတဲ့ option တွေကနေ ၆ စက္ကန့်စာ video ဖန်တီးပေးတာပါ။ အခု Veo 3 နဲ့မှာတော့ ဒီ Feature ကို အခမဲ့ ဆက်လက်သုံးစွဲနိုင်မှာဖြစ်ပေမယ့် အကြိမ်အရေအတွက် ကိုတော့ ကန့်သတ်ထားပါတယ်။ Google ရဲ့ AI Pro နဲ့ AI Ultra subscription ဝယ်ထားတဲ့သူတွေကတော့ အကြိမ်အရေအတွက် ပိုမိုသုံးစွဲခွင့်ရမှာပါ။ ဒါပေမယ့် ဒီ Feature မှာ အသံတော့ပါမှာမဟုတ်ဘဲ၊ Video ရဲ့ အရှည်က ၄ စက္ကန့်ပဲ ရရှိမှာ ဖြစ်တယ်လို့ သိရပါတယ်။ ဒီ Feature က Google Photos ထဲက “Create hub” ဆိုတဲ့ နေရာအသစ်မှာ တခြား AI tool တွေနဲ့အတူ ရှိနေမှာပါ။ အဲ့ဒီထဲမှာ ဓာတ်ပုံတွေကို Style ပြောင်းတဲ့ remix option, collage လုပ်တာ၊ 3D ပုံစံ “cinematic” photo တွေဖန်တီးတာနဲ့ GIF လုပ်တဲ့ tool တွေလည်း ပါဝင်ပါတယ်။

အခုဆိုရင် Google Photos ကို ဓာတ်ပုံသိမ်းတဲ့နေရာသက်သက် မဟုတ်တော့ဘဲ AI နဲ့ ဖန်တီးမှုတွေလုပ်နိုင်တဲ့ Creative Tool တစ်ခုအဖြစ် ပြောင်းလဲပြီး သူ့ရဲ့ Product တွေကို ပိုပြီးတန်ဖိုးရှိအောင် လုပ်ဆောင်နေတာပဲ ဖြစ်ပါတယ်။