Adobe ဟာ PDF Files များရဲ့ အချက်အလက်တွေကို အလွယ်တကူ ဖော်ပြပေးနိုင်မယ့် AI ကို Adobe Acrobat မှာ ထည့်သွင်းလိုက်ပြီ ဖြစ်ပါတယ်။
Adobe ရဲ့ ပြောပြမှုအရ ၎င်း AI ဟာ စာအများကြီး ဖတ်ရတဲ့ သူများအတွက် ရည်ရွယ်ကြောင်း သိရပါတယ်။ ဥပမာ – ကျောင်းသားတစ်ဦးဟာ သင်ခန်းစာနဲ့ ပတ်သက်တဲ့ PDF File တစ်ခုကို အချိန်အများကြီး ပေးကာ ဖတ်နေမယ့်အစား AI ကို အသုံးပြုလိုက်မယ်ဆိုရင် ၎င်းသင်ခန်းစာရဲ့ အဓိက ဆိုလိုရင်းနဲ့ အရေးကြီး အချက်အလက်များကို AI က ဆွဲထုတ်ပြီး ဖော်ပြပေးမှာ ဖြစ်လို့ အချိန်ကုန်သက်သာစေမှာ ဖြစ်ပါတယ်။
Adobe Acrobat မှာ ထည့်သွင်းပေးမယ့် AI ဟာ လက်ရှိမှာတော့ Beta Version အဆင့်ပဲရှိသေးတာဖြစ်ပြီး Public Version ကိုတော့ ဘယ်အချိန်မှာမှ ထုတ်ပေးမလဲဆိုတာ မသိရသေးပါဘူး။ ဝမ်းနည်းစရာတစ်ခုကတော့ Acrobat အား ဝယ်ယူထားသူများသာ အသုံးပြုနိုင်မှာဖြစ်ကြောင်း သိရပါတယ်။