Open AI company ကိုစတင်တည်ထောင်ခဲ့စဉ်က Elon Musk လည်း ပါဝင်ခဲ့ပါတယ်။ Company စတည်ထောင်ခဲ့စဉ်က သဘောတူညီမှုအရ Elon Musk က အကျိုးအမြတ်တွေကို စိတ်မဝင်စားပဲ လူသားတွေအတွက်အကျိုးပြုမယ့်အရာကိုသာ ဖန်တီးရန် သဘောတူညီခဲ့ကြပါတယ်။ “Freely Available” to the Public ဆိုတဲ့အတိုင်း လူတိုင်းအတွက် အခကြေးငွေမယူပဲ လူတိုင်းအသုံးပြုနိုင်တဲ့ AI ကို ဖန်တီးခဲ့ဖို့ သဘောတူညီခဲ့ကြပါတယ်။ အချိန်တစ်ခုကြာလာတဲ့အခါမှာတော့ ChatGPT က AI လောကမှာ နေရာကောင်းကောင်းတစ်ခုရခဲ့ပြီး လူကြိုက်များတဲ့အရာတစ်ခုဖြစ်လာပါတယ်။ ယနေ့မှာတော့ ChatGPT ကိုလည်း လစဉ်ကြေးပေးပြီး အသုံးပြုနိုင်တဲ့ features အပါအဝင် အခြား AI products တွေကို အခကြေးငွေတစ်ခုယူပြီး လူတွေဆီ ရောင်းချတာမျိုး ရှိနေပါပြီ။
ဥပဒေအရ နှစ်ဖက်လုံး တရားရုံးမှာရင်ဆိုင်ဖြေရှင်းရမှာဖြစ်ပြီး OpenAI က Microsoft နှင့်ပူးပေါင်းပြီးနောက်ပိုင်းမှာတော့ company ရဲ့ တန်ကြေးကလည်း မြင့်တက်သွားပါတယ်။ Elon Musk ကတော့ သူ့အပေါ် သစ္စာဖောက်သွားတယ်လို့ ခံယူထားပြီး OpenAI ကို တရားစွဲဆိုထားပါတယ်။ ၂၀၁၆ ခုနှစ်မှ စပြီး စက်တင်ဘာလ ၂၀၂၀ ခုနှစ်အထိ Elon Musk က အမေရိကန်ဒေါ်လာပေါင်း ၄၄သန်းကို OpenAI အပေါ် လှုထားခဲ့ပြီး ၂၀၁၈ ခုနှစ်မှာ Board အဖွဲ့ဝင်ရာထူးမှ နှုတ်ထွက်ခဲ့ပါတယ်။ ၂၀၂၃ခုနှစ်မှာတော့ ChatGPT ရဲ့ ပြိုင်ဖက် Grok ကို Elon Musk က မိတ်ဆက်ခဲ့ပါတယ်။ OpenAI ရဲ့ CEO, Sam Altman က Microsoft company နှင့်လက်တွဲပြီး project တွေအများကြီးလုပ်လျက်ရှိပါတယ်။ တစ်ချိန်တည်းမှာပဲ Microsoft နှင့် လက်တွဲလုပ်ထားပြီး ချုပ်ဆိုထားတဲ့ သဘောတူညီမှုများစွာလည်းရှိပါတယ်။ Sam နှင့် Elon တို့အပြန်အလှန်ပြောကြားထားတဲ့ email screenshot တွေလည်း အင်တာနက်ပေါ် ရောက်ရှိလာခဲ့ပါတယ်။ ထို screenshot ကိုလည်း တရားရုံးမှာ အသုံးပြုသွားမယလို့ သိရပါတယ်။
Microst CEO, Nadella ရဲ့ ပြောကြားချက်အရ “မနက်ဖြန် OpenAI ပျောက်ကွယ်သွားခဲ့ရင် ကျွန်တော့်ဆီမှာ သူနဲ့ပတ်သက်တဲ့ Data တွေ၊ IPs တွေအားလုံး ရှိနေပါတယ်။ လုပ်နိုင်စွမ်းရှိသမျှ အကုန်ကျွန်တော့်လက်ထဲမှာ ရှိနေပါတယ်။ ကျွန်တော်တို့က Open AI ရဲ့ အောက်မှာ၊ အပေါ်မှာ၊ အနားမှာ ရှိနေပါတယ်။” ဒီပြောကြားချက်က တရားဥပဒေခွင်မှာ သက်သေစကားအဖြစ် တရားသူကြီးတွေက မှတ်သားထားလိုက်ပါတယ်။
OpenAI ရဲ့ ChatGPT-4 ကို AGI ဆိုပြီး Elon Musk က သတ်မှတ်ထားပါတယ်။ AGI ဆိုလိုရင်းက လူသားတွေထက် မတော်ပဲ လူသားတွေထက် ညံ့တဲ့ AI အမျိုးအစားမဟုတ်ဘူးလို့ ဆိုလိုပါတယ်။ ChatGPT-4 ကို သဘောတူညီမှုတွေမရယူပဲ License တင်ခဲ့တဲ့အကြောင်းကို ပြစ်တင်ဝေဖန်ထားပါတယ်။ လူတွေရဲ့ ကောင်းကျိုးအတွက် အခကြေးငွေကင်းလွတ်ခွင့်နှင့် မဖန်တီးပဲ Microsoft လို နည်းပညာ company တစ်ခုနှင့်ပေါင်းပြီး လူတွေအပေါ် စီးပွားရေးဆန်ဆန်လုပ်နေတာကို Elon Musk က အဓိကအကြောင်းရင်းနှင့် တရားစွဲဆိုထားပါတယ်။ ထို့အပြင် Elon ကိုယ်တိုင် ငွေကြေးအများကြီး စိုက်ထုတ်ပေးခဲ့တဲ့ project ကို ကိုယ်ကျိုးအတွက်အသုံးချပြီး စီးပွားရှာတာ Elon အတွက် သစ္စာဖောက်မှု အကြီးမားဆုံးဖြစ်သွားခဲ့တာကြောင့် တရားစွဲဆိုခြင်းဖြစ်ပါတယ်။ တရားသူကြီးတွေရဲ့ ကြားနာချက်နှင့် နှစ်ဦးလျှောက်ထားချက်မှာတော့ တင်းမာချက်တွေဖြစ်နေဆဲပါပဲ။
Discussion about this post