Apple ရဲ့ MacbookPro အသစ်မှာ M3 Chipset ထည့်ဖို့ လုပ်ဆောင်နေကြောင်း သတင်းထွက်ရှိ

Apple က 12-core Processor နဲ့ 18-core GPU တို့ပါရှိတဲ့ M3 Chipset တစ်ခုကို လုပ်ဆောင်နေတယ်လို့ သတင်းများ အရသိရှိရပါတယ်။ App Store က Developer Logs တွေဖော်ပြထားတဲ့ ပုံအရ MacOS 14 နဲ့ အသုံးပြုနေတဲ့ M3 pro လို့ထင်ရတဲ့ MacBook Pro တစ်ခုမှာ ၎င်း Chipset ကို စမ်းသပ်နေတယ်လို့ သိရှိရပါတယ်။ Apple ရဲ့ M3 line of chips က 5nm Technology ကနေ TSMC ရဲ့ လာမယ့် 3nm Node Process Technology ကို ကူးပြောင်းနေတယ်လို့ သိရပါတယ်။ နောက်ထပ်ထွက်ရှိမယ့် M3 Pro သည် အရင်မျိုးဆက်တွေထက် 50ရာခိုင်နှုန်း CPU cores Processor ပါဝင်လာနိုင်တယ်လို့ ဘဲ ကောလဟာလ သတင်းတွေထွက်ပေါ် နေပါသေးတယ်။

Apple က ပုံမှန်အတိုင်းဘဲ M3 MacBook Pro ကို မမိတ်ဆက်ခင် M3 chip ကို အရင် မိတ်ဆက်လာနိုင်ပါတယ်။ ထွက်ရှိနေသော သတင်းများ အရ M3 chips တက်ဆင်ထားတဲ့ MacBook များကို ယခုနှစ်ကုန် ဒါမှမဟုတ် လာမယ့်နှစ် အစပိုင်း မှာ ရောက်ရှိလာမယ်လို့ သိရှိရပါတယ်။ Apple က လာမယ့် Worldwide Developers Conference (WWDC) မှာ ကောလဟာလများ ထွက်ပေါ်နေတဲ့ 15-inch MacBook Air ထုတ်ဖော်ပြသသွားမယ်လို့လဲ ယူဆရပါတယ်။