အစိုးရရဲ့ အတွင်းရေးဌာနမှ AI chatbot ရဲ့ သတင်းမှားဖြန့်မှုတွေကို တားဆီးပေးရန် Elon Musk အားတိုက်တွန်း

မကြာသေးတဲ့ လပိုင်းမှ အမေရိကန်နိုင်ငံရွေးကောက်ပွဲမှာ သမ္မတဟောင်း Trump ကို လုပ်ကြံမှုဖြစ်ပွားမှုနှင့်အတူ Joe Biden ကလည်း လာမည့်ရွေးကောက်ပွဲအတွက် နှုတ်ထွက်ကြောင်း အတည်ပြုပြီးသားဖြစ်ပါတယ်။ Elon Musk ရဲ့ X မှာရှိတဲ့ chatbot ဖြစ်တဲ့ Grok က နိုင်ငံရေးနှင့်ပတ်သက်ပြီး သတင်းမှားတွေကို အလိုအလျောက်လူတွေဆီ ဖြန့်ဝေမှု လုပ်နေတာကြောင့် အစိုးရအဖွဲ့က Elon Musk ကို အဆိုပါကိစ္စနှင့်ပတ်သက်ပြီး တာဝန်ရှိတာကြောင့် ပြသနာကို အမြန်ဆုံးဖြေရှင်းပေးဖို့ တိုက်တွန်းနေပါတယ်။ ဒုသမ္မတဖြစ်တဲ့ Kamala Harris က Joe Biden နေရာမှ ပြန်လည်ယှဉ်ပြိုင်မှာ ဖြစ်ပြီး လက်ရှိမှာတော့ Grok, chatbot ရဲ့ သတင်းမှားယွင်းမှုတွေ ဖြန့်ဝေနေမှုကြောင့် လူမြောက်များစွာက သတင်းမှားတွေကို ယုံကြည်နေကြပါတယ်။ အထူးသဖြင့် Kamala Harris က လာမည့်ရွေးကောက်ပွဲအတွက် မထိုက်တန်ကြောင်း စသဖြင့်မှားယွင်းတဲ့ သတင်းမှားတွေကို အလိုအလျောက် ဖြန့်ဝေနေမှုကြောင့် အစိုးရအဖွဲ့မှ ယခုလိုကိစ္စအတွက် တာဝန်ရှိတဲ့ Elon Musk ကို အိတ်ဖွင့်စာပေးပြီး အမြန်ဆုံးပြသနာကို ဖြေရှင်းပေးရန်တိုက်တွန်းနေပါတယ်။ အိတ်ဖွင့်စာထဲမှာ အတွင်းရေးဌာနမှ တာဝန်ရှိသူလေးယောက်က လက်မှတ်နှင့်တကွရေးထိုးထားတဲ့ စာ ပါဝင်ပါတယ်။

ယခုချိန်မှာတော့ အမေရိကန်ရဲ့ ပြည်နယ်ကိုးခုမှာ ဒီသတင်းမှားတွေကပြန့်နေပြီး Kamala Harris အတွက်ရွေးကောက်ပွဲ ဝင်ရောက်ယှဉ်ပြိုင်ရာမှာ အများကြီးဒုက္ခရောက်နေပါတယ်။ တာဝန်ရှိသူတွေက တားဆီးနေကြပေမယ့် လူသန်းပေါင်းများစွာဆီကို သတင်းမှားက ရောက်ရှိသွားပြီ ဖြစ်ပါတယ်။ အတွင်းရေးဌာနကတော့ X အသုံးပြုသူတွေကို သတင်းတွေကို ချင့်ချိန်ယုံဖို့အကြောင်းနှင့် canivote.org လို official website တွေကို ယုံကြည်ကြဖို့ ကြေငြာထားပါတယ်။