Microsoft Edge က လာမယ့် Version မှာ ၎င်းတို့ရဲ့ Feature ၅ခုကို ဖယ်ရှားမယ်လို့ သိရှိရ

Microsoft Edge က ၎င်းတို့ရဲ့ Feature 5 ခုကို လာမယ့် Update Version 177 မှာ ဖယ်ရှားဖို့အတွက် စီစဉ်ထားကြောင်း သိရှိရပါတယ်။ ဖယ်ရှားတော့မှာဖြစ်တဲ့ အင်္ဂါရပ်များမှာ AI ကို အသုံးပြုပြီး သင်္ချာပုစ္ဆာများကို ကူညီဖြေရှင်းပေးတဲ့ Math Solver၊ Picture Dictionary၊ Citations၊ Grammar Tools နဲ့ Kids Mode အစရှိတဲ့ Feature များဖြစ်ပါတယ်။

Microsoft က ၎င်းတို့ရဲ့ အင်္ဂါရပ်များကို ဖယ်ရှားရခြင်းရဲ့ ရည်ရွယ်ချက်ကိုတော့ တိကျစွာဖော်ပြထားတာတော့ မရှိသေးပါဘူး။ Edge မှာ အဆိုပါ Feature များကို လူသုံးနည်းလာတာရယ်၊ များပြားလွန်းပြီး မလိုအပ်တဲ့ Feature များကို လျော့ချပြီး ပိုမိုကောင်းမွန် အသုံးဝင်တဲ့ Browser တစ်ခု‌ကိုပြန်လည်တည်ဆောက်မို့ အတွက် Feature အချို့ကို ဖယ်ရှားရခြင်း ဖြစ်တယ်လို့ Company က ပြောကြားထားပါတယ်။ User အချို့ ကတော့ အဆိုပါ Feature များဖယ်ရှားခြင်းနဲ့ ပတ်သက်ပြီး စိတ်ပျက်မိကြောင်း ထုတ်ဖော်ပြောဆိုထားပေမယ့် User တော်တော်များများကတော့ အဆိုပါသတင်းနဲ့ ပတ်သက်ပြီး ဘာမှပြောဆိုထားတာမရှိသေးပါဘူး။ Company ဘက်ကတော့ User များ ဘယ်လိုလက်ခံလာမလဲဆိုတာ အချိန်ကသာ ဆုံးဖြတ်ပေးမှာ ဖြစ်တယ်လို့ ပြောကြားထားပါတယ်။

သင်က အဆိုပါ Feature များကို အသုံးပြုနေတဲ့ သူဖြစ်ပါက လာမယ့် Edge Version 177 မှာ အသုံးပြုလို့ ရတော့မှာမဟုတ်ပါဘူး။ ဖယ်ရှားလိုက်တဲ့ Feature များနဲ့ ဆင်တူတဲ့ Third-Party Tool များအသုံးပြုမို့ Company က တိုက်တွန်းထားပါတယ်။ September 14 နေ့မှာ Edge Version 177 ကို ရရှိမှာ ဖြစ်ပြီး ဘယ်လိုအရာတွေပါဝင်လာမလဲ ဆိုတာကိုတော့ စောင့်ကြည့်ရမှာ ဖြစ်ပါတယ်။