ပလန်မရှိတဲ့ အိမ်မက်က ဆန္ဒတစ်ခုသာဖြစ်သွားနိုင်ပါတယ်။ ဒါကြောင့် chat GPT ကို အသုံးပြုပြီး ကိုယ့်ရဲ့အိမ်မက်တွေကို အကောင်အထည်ဖော်ကြည့်ကြရအောင်။ သင်က စီးပွားရေးလုပ်ငန်းတစ်ခုခုကို စတင်ဖို့ပြင်ဆင်နေတယ် ဒါမှမဟုတ် ရင်းနှီးမြှုပ်နှံမယ့် သူဌေးတွေကို လုပ်ငန်းအကြောင်းကို တင်ပြဖို့စဉ်းစားနေတယ်ဆိုရင် အခုပြောပြမယ့် အကြောင်းအရာက သင့်အတွက်ပါပဲ။
Summary အကျဉ်းချုပ်
သင့်စမယ့် လုပ်ငန်းအကြောင်းကို chat GPT မှာ မေးရမှာပါ။ ပထမဦးဆုံး ကိုယ့်လုပ်ငန်း နာမည်၊ အဓိက ဝင်ငွေလမ်းကြောင်းနှင့် အဓိကအားထားမယ့် ဖောက်သည်တွေအကြောင်းကို chat GPT မှာမေးပါ။ သင့်ရဲ့ plan ကို အကျဉ်းချုံးလေးတင်ပြပါ။ chat GPT မှာရေးတဲ့အခါ လူတစ်ယောက်ကိုပြောပြသလိုမျိုး ရေးသားပါ။ ဥပမာ my business is called (—-). It makes money by (—-). Can you help me craft a short summary for my first business plan page.
လုပ်ငန်းခြုံငုံသုံးသပ်ချက်
ဒီအပိုင်းမှာတော့ သင့်လုပ်ငန်းအကြောင်းကို အသေးစိတ်ရေးသားဖို့လိုအပ်ပါတယ်။ သင်အသေးစိတ်ရေးသားတဲ့အပေါ်မူတည်ပြီး သင့်ကို chat GPT က တိကျတဲ့အချက်တွေ ပိုပေးနိုင်ပါတယ်။ ဥပမာ သင့်ရဲ့ မူလ business goal သုံးခုကို တင်ပြပါ။ သင့်ရဲ့ ဖောက်သည် demographic ကိုဖော်ပြပြီး ဝန်ဆောင်မှုပေးချင်တဲ့ အကြောင်းအရာတွေကို ဖော်ပြပါ။ သင့်ပြိုင်ဖက်တွေကို ဘယ်လိုယှဉ်ပြိုင်နိုင်မလဲဆိုတာတွေကအစ မေးပါ။ အကြောင်းအရာတွေကို ဖော်ပြရေးသားတဲ့အခါမှာ တိတိကျကျ ရေးသားဖော်ပြဖို့လိုပါတယ်။
Sales and Marketing အပိုင်း
ကမ္ဘာ့အကောင်းဆုံး စီးပွားရေးလုပ်ငန်းတိုင်းမှာ ထိရောက်ကောင်းမွန်တဲ့ မားကတ်တင်းတွေရှိပါတယ်။ သင့်မှာ စီစဉ်ထားတဲ့ marketing plan တွေရှိရင် chat GPT ကိုမေးကြည့်ပါ။ အချိန်တိုအတွင်းမှာ သင်အောင်မြင်အောင် ဘယ်လိုလုပ်နိုင်မလဲဆိုတာတွေ မေးကြည့်ပါ။ marketing ideas တွေလည်း chat GPT က အများကြီး ပေးနိုင်ပါတယ်။ စျေးကွက်ထဲမှာ trend ဖြစ်နေတဲ့ အကြောင်းအရာတွေကို တိုက်ရိုက်မေးချင်ရင်တော့ google ရဲ့ AI ဖြစ်တဲ့ “Bard” ကိုလည်း မေးနိုင်ပါတယ်။ ဒီနည်းလမ်းကတော့ လုပ်ငန်းရှင်တိုင်း try ရမယ့် နည်းလမ်းဖြစ်ပါတယ်။ ဒီနည်းလမ်းကို သင် မ try ကြည့်ရင်တော့ ပြိုင်ဖက်တွေထက် အများကြီး နောက်ကျသွားနိုင်ပါတယ်။
Operation & Management (လုပ်ငန်းလည်ပတ်မှုနှင့် စီမံခန့်ခွဲမှု)
သင့်မှာ လုပ်ငန်းခြုံငုံသုံးသပ်ချက်လည်းရှိပြီ၊ မားကတ်တင်းနှင့်အရောင်းပိုင်းအတွက်လည်း ရှိသင့်သလောက်ရှိပြီ။ လုပ်ငန်းလည်ပတ်ဖို့အပိုင်းနှင့် စီမံခန့်ခွဲမှုအပိုင်းကို စဉ်းစားဖို့အချိန်ကျပါပြီ။ ဒီအပိုင်းက လူနှင့် လုပ်ငန်းစဉ်တွဲဖက်လုပ်ရတဲ့ အပိုင်းပါပဲ။ ဝန်ထမ်းတွေက သင့်ဖောက်သည်တွေကို စိတ်ကျေနပ်မှုရအောင် လုပ်ရမှာဖြစ်ပြီး စက်ပစ္စည်းတွေက အလုပ်တွေကို ပိုပြီးလျင်မြန်ပြီးစီးအောင် လုပ်ရမှာဖြစ်ပါတယ်။ ဥပမာအနေနဲ့ ပြောပြရမယ်ဆိုရင် သင်က ကော်ဖီဆိုင်ဖွင့်ထားတဲ့လူဆိုပါစို့။ ကော်ဖီဆိုင်အသေးလေးအနေနဲ့ chat GPT ကို အခုလိုမေးမြန်းနိုင်ပါတယ်။ “I have three employees for my cafe. Please describe the job description for three employees to run the cafe completely. And also describe which tools should I use to manage their performance.” အစရှိသဖြင့် သင်အလိုရှိသလို မေးမြန်းနိုင်ပါတယ်။ အဖြေကိုမကြိုက်ရင် နောက်တစ်ခေါက် သင် အသေးစိတ် edit လုပ်ပြီး မေးမြန်းနိုင်ပါတယ်။ chat GPT မှာ ခေတ်မှီပြီး ပိုမိုကောင်းမွန်တဲ့ အဖြေတွေအပြည့်ရှိပါတယ်။
ငွေကြေးစီမံခန့်ခွဲခြင်း
ငွေကြေးကို စီမံခန့်ခွဲဖို့အတွက်လည်း chat GPT ကို အကူအညီတောင်းနိုင်ပါတယ်။ ဒါပေမယ့် သင့်မှာကြိုတင် စီစဉ်ထားတဲ့ မျှော်မှန်းထားတဲ့ ငွေကြေး plan ရှိဖို့လိုပါတယ်။ ဥပမာ တစ်နှစ်စာအတွက် သင့်ဝင်ငွေဘယ်လောက်ကို မျှော်မှန်းထားကြောင်းနှင့် နောက်ထပ်အသုံးစရိတ်တွေအတွက် ဇယားနဲ့သေချာဆွဲထားတာမျိုးရှိနေရင်တော့ ပိုကောင်းပါတယ်။ ဝန်ထမ်းတွေအတွက် လစာ၊ ကုန်ကျစရိတ်နှင့် ငှားရမ်းစရိတ်တွေကအစ တွက်ချက်ပြီး ဒီကုန်ကျစရိတ်နဲ့ဆို နောက် ငါးနှစ်မှာ အမြတ်ထွက်လာနိုင်လား စသဖြင့် မေးမြန်းနိုင်ပါတယ်။
Discussion about this post