“Bruno Mars” လို့ပြောလိုက်ရင် မသိတဲ့သူမရှိသလောက် ရှားပါတယ်။ Pop သီချင်းလောက က ထိပ်ဆုံးနေရာတွေမှာ အမြဲတမ်းရှိနေပြီး Grammy ဆုတွေကိုသိမ်းပိုက်ထားနိုင်တဲ့ အဆိုတော်လည်းဖြစ်ပါတယ်။ CNBC သတင်းဌာနက အသက် ၃၇နှစ်ရှိပြီဖြစ်တဲ့ Bruno Mars ကို သူ့ရဲ့အောင်မြင်မှုသော့ချက်တွေကို မေးမြန်းထားတဲ့ အစီအစဉ်က ပြန်တင်ပြလိုက်ရပါတယ်။
Bruno Mars က သူအခုလိုအောင်မြင်တာ ကောင်းမွန်တဲ့သီချင်းပါရမီ တစ်ခုတည်းကြောင့်မဟုတ်ဘူးလို့ ပြောကြားခဲ့ပါတယ်။ “ဘယ်အရာပဲလုပ်လုပ်၊ ရိုးသားမှုရှိဖို့ လိုပါတယ်။ ဒီအချက်က ကျွန်တော့်အသက်မွေးဝမ်းကြောင်းမှာ အရမ်းအရေးကြီးတဲ့အချက်ပဲ ဖြစ်ပါတယ်။ သီချင်းတွေကို ရေးသားတဲ့အခါမှာလည်း စိတ်ရောလူရောနှစ်ပြီး ရေးသားပါတယ်။ အလွယ်နည်းလမ်းက ဘယ်တော့မှ မလိုက်ခဲ့ပါဘူး။” ဆိုပြီး ဖြေကြားခဲ့ပါတယ်။
Bruno Mars က အသက်(၂)နှစ်လောက်တည်းက Elvis ပုံစံတွေကို အတုခိုးပြီး စလုပ်တက်နေပါပြီ။ အထက်တန်းကျောင်းပြီးတဲ့အခါမှာတော့ Los Angeles မြို့ကို သီချင်းနဲ့အသက်မွေးဝမ်းကျောင်းလုပ်ဖို့အတွက် ပြောင်းရွှေ့ခဲ့ပါတယ်။ “ငယ်တဲ့အချိန်က အရမ်းကောင်းပါတယ်။ ဘာမှလည်းမသိပဲ မစဉ်းစားပဲ လုပ်နေတာကိုက လွတ်လွတ်လပ်လပ် ပျံသန်းရတာနဲ့ တူတယ်။” ဆိုပြီး ပြောကြားခဲ့ပါတယ်။ နှစ်အနည်းငယ်အတွင်းမှာပဲ Mars က Pop နှင့် R&B လောကမှာ နေရာရခဲ့ပြီး နာမည်ကြီးအဆိုကျော်တွေဖြစ်တဲ့ Adele, Alicia Keys နှင့် Jay-Z တို့နှင့်အတူတူ သီချင်းတွေရေးသား သီဆိုနိုင်ခဲ့ပါတယ်။ Bruno Mars က ပိုက်ဆံစုဆောင်းမိလာတဲ့အခါမှာ Company အချို့မှာ ရင်းနီးမြှုပ်နှံမှုတွေ လုပ်ခဲ့ပါတယ်။ Bruno Mars ပြောပြတဲ့နောက်တစ်ချက်ကတော့ “လုပ်ရမယ့် အလုပ်အတွက် ဘယ်တော့မှမကုန်ခမ်းတဲ့ Energy ရှိနေတဲ့အလုပ်မျိုးကို လုပ်ပါ” လို့ပြောကြားခဲ့ပါတယ်။ ၂၀၁၄ခုနှစ်မှာတော့ SelvaRey Rum ရဲ့ co-owner တစ်ယောက်ဖြစ်လာခဲ့ပါတယ်။
နောက်တစ်ချက် Mars ပြောပြတဲ့အချက်ကတော့ ကြိုးစားပြီးရလာတဲ့ ရလဒ်ကောင်းတွေက အမြဲချိုမြိန်ပြီးအရသာ ရှိတယ်ဆိုပြီး ပြောကြားခဲ့ပါတယ်။ “အကယ်၍ သီချင်းတစ်ပုဒ်ရေးသားလို့ မပေါက်ခဲ့ဘူးဆိုရင်လည်း ညဘက်ကျွန်တော် ကောင်းကောင်းအိပ်ပျော်နိုင်တယ်။ အကောင်းဆုံးကြိုးစားခဲ့တယ်ဆိုတဲ့ အသိနှင့် အိပ်ရာဝင်နိုင်တယ်။” ဆိုပြီး လူတိုင်းအိပ်ရေးက အရေးကြီးတဲ့အချက်ကို ပြောကြားခဲ့ပါတယ်။
Discussion about this post