လူတွေရဲ့ နေ့စဉ်ဘ၀ကထွက်တဲ့ အမှိုက်တွေက တစ်နေ့ထက်တစ်နေ့များပြီး ကမ္ဘာကြီးကို ဒုက္ခပေးနေပါတယ်။ အမှိုက်တွေထဲမှာ သဘာ၀နည်းအရ ချေမဖျက်နိုင်တဲ့ အမှိုက်က ပလတ်စတစ် ပစ္စည်းတွေပါပဲ။ စွန့်ပစ် ပလတ်စတစ်ပစ္စည်းတွေက ကမ္ဘာကြီးမှာနှစ်ပေါင်းများစွာ ကျန်ရှိနေပြီး ပင်လယ်ထဲက ရေနေသတ္တဝါတွေကိုလည်း များစွာ ဒုက္ခပေးနိုင်ပါတယ်။ အမှိုက်တွေကိုနည်းမျိုးစုံနဲ့ နိုင်ငံတကာက ဖြေရှင်းကိုယ်တွယ်နေကြပါတယ်။ နည်းလမ်းအများကြီးထဲမှာမှ စင်ကာပူနိုင်ငံက ကိုင်တွယ်ဖြေရှင်းနည်းကတော့ ကမ္ဘာမှာ နာမည်အကြီးဆုံးဖြစ်ပါတယ်။ အကြောင်းရင်းကတော့ အမှိုက်တွေကို မြေကြီးအဖြစ်ပြောင်းလဲပြီး ပင်လယ်ထဲကိုလည်း စွန့်ပစ်ပစ္စည်းမရောက်အောင် လုပ်ဆောင်နိုင်တာကြောင့် ဖြစ်ပါတယ်။
စင်ကာပူနိုင်ငံက အမှိုက်တွေကို ကိုင်တွယ်နည်း
စင်ကာပူနိုင်ငံက အမှိုက်တွေကိုထိန်းသိမ်းတဲ့နည်းကတော့ မီးရှို့ပြီးအငွေ့တွေကို လေထဲမရောက်အောင် စစ်ထုတ်လိုက်တာပါပဲ။ အမှိုက်တွေထဲမှာပါတဲ့ စည်သွတ်ဘူးတွေနှင့် အမှိုက်အိတ်တွေကို အပူချိန် ၁၀၀၀ ဒီဂရီ Celsius ရှိတဲ့မီးနဲ့ အရင်ရှို့ပါတယ်။ အမှိုက်တွေအားလုံး ပြာပုံနီးနီးဖြစ်သွားတဲ့အချိန်ကျတဲ့အခါ ပင်လယ်နှင့်ထိစပ်မှုမရှိတဲ့ နေရာကို ပို့ပါတယ်။ ပြာပုံတွေစုလာတဲ့အခါမှာတော့ ကျွန်းလေးတစ်ခုသဖွယ်ဖြစ်လာပါတယ်။ အံ့ဩစရာကောင်းတဲ့အချက်က အပင်တွေပါစိုက်ပျိုးနိုင်ပြီး ရှင်သန်ကြီးထွားနိုင်ပါတယ်။
ဒီနည်းလမ်းက အသုံးဝင်ပေမယ့် ကုန်ကျစရိတ်အင်မတန်ကြီးမားပါတယ်။ ဒါ့အပြင် နေရာလည်း တစ်အားယူတာကြောင့် နိုင်ငံတော်တော်များများ လုပ်ဖို့ စဉ်းစားကြပါတယ်။ Recycle လုပ်တဲ့နေရာမှာလည်း အချို့အရာတွေကို Recycle မလုပ်နိုင်ပါဘူး။ Incineration လို့ခေါ်တဲ့ သန့်စင်နည်းကတော့ စင်ကာပူနိုင်ငံက အသုံးပြုတဲ့နည်းလမ်းပဲ ဖြစ်ပါတယ်။ Incineration လုပ်တဲ့အချိန်မှာ လေထုထဲကို အန္တရာယ်ဖြစ်စေတဲ့ ဓါတ်ငွေ့တွေရောက်တာကို စင်ကာပူနိုင်ငံက လေထုစစ်ထုတ်တဲ့နည်းလမ်းနဲ့ ပြန်သန့်စင်ပါတယ်။ ပြာပုံတွေကိုတော့ စင်ကာပူနဲ့ဝေးတဲ့ ပင်လယ်နားမှာ စုစည်းပြီး ကျွန်းလေးအဖြစ်ပြန်တည်ဆောက်ပါတယ်။ ဒီကျွန်းလေးတွေကို တစ်နည်းအားဖြင့် Man-Made Island လို့လည်းခေါ်ကြပါတယ်။ မီးရှို့ပြီး ထွက်လာတဲ့ အပူငွေ့ကို လျှပ်စစ်စွမ်းအင်အဖြင့် ပြောင်းလဲလိုက်တဲ့အခါ အိမ်ပေါင်းထောင်နဲ့ချီ လျှပ်စစ်မီးရရှိကြပါတယ်။ တစ်နည်းအားဖြင့် စင်ကာပူနိုင်ငံက လျှပ်စစ်မီးပေးမှု စွမ်းအင်က Incineration Plants က လာတာဖြစ်ပါတယ်။
Incineration နည်းလမ်းက တစ်ချိန်တည်းမှာ အမှိုက်တွေကို သန့်စင်နိုင်ပြီးသဘာ၀ပတ်ဝန်းကျင်ကိုလည်း ထိခိုက်မှုနည်းတာကြောင့် ဒီနည်းလမ်းကို နိုင်ငံတိုင်း ကျင့်သုံးသင့်ပါတယ်။
Discussion about this post