ရုံးတက်စရာမလိုပဲ အိမ်ကတစ်ဆင့် လုပ်နိုင်သောအလုပ်များ

အခုဖော်ပြမယ့်အလုပ်တွေကတော့၂၀၂၃ခုနှစ်မှာ companies တော်တော်များများခန့်နေကြတဲ့ အလုပ်တွေဖြစ်ပါတယ်။ ဒီအလုပ်တွေလုပ်ဖို့ အင်တာနက်ကောင်းကောင်နဲ့ ကွန်ပျူတာတစ်လုံးပဲ လိုအပ်ပါတယ်။ နောက်ထပ်အရေးကြီးဆုံးလိုအပ်တာကတော့ သင့်မှာရှိသင့်ရှိထိုက်တဲ့ skills တွေပဲဖြစ်ပါတယ်။ ကိုဗစ်ကပ်ရောဂါ ဖြစ်စဉ်မှစပြီး အလုပ်ကိုအိမ်မှာပင်လုပ်နိုင်တဲ့ အလေ့အထကို companies တွေကလည်း​လက်ခံပြီး ဝန်ထမ်းတွေကလည်း သဘောကျလက်ခံလာတာ ဖြစ်ပါတယ်။ ဒီအလုပ်တွေကို အချိန်ပိုင်း (သို့) အချိန်ပြည့်လုပ်နိုင်ပြီး companies တွေကလည်း ကျွမ်းကျင်တဲ့ဝန်ထမ်းတွေကို အမြဲရှာနေတာကြောင့် အလုပ်ရရှိဖို့နှင့် ကျွမ်းကျင်ဝန်ထမ်းရဖို့က မြန်ဆန်ပါတယ်။​

၁။ Accountant (စာရင်းကိုင်)

ဒီအလုပ်ကတော့ တိုးတက်တဲ့နိုင်ငံတွေမှာတော့ softwares တွေအကူအညီနဲ့ လုပ်နိုင်ပြီး စာရင်းကိုင်တွေကလည်း အင်တာနက်နဲ့ကွန်ပျူတာရှိရုံနဲ့ လုပ်နိုင်ပါတယ်။ ရုံးကိုနေ့စဉ်တက်စရာမလိုပဲ company နဲ့ အမြဲထိတွေ့နေရုံနဲ့ အချက်အလက်တွေကို မှတ်သားနိုင်ပါတယ်။ ဒါကြောင့် accountants တွေက အိမ်မှာနေပြီး အလုပ်လုပ်လာကြပါတယ်။

၂။ Business Development Manager

companies တော်တော်များများမှာ တွေ့ရတဲ့အလုပ်ဖြစ်ပါတယ်။​ သူ့ရဲ့တာဝန်ကတော့ ဖောက်သည်အသစ်တွေ ရှာဖွေဖို့နဲ့ company ရဲ့ တိုးတက်ရာအခွင့်အလမ်းတွေကို ဦးဆောင်ပေးရသူဖြစ်ပါတယ်။ ရုံးကို အမြဲသွားနေစရာမလိုပေမယ့် Team နဲ့တိုင်ပင်ဆွေးနွေးဖို့လိုအပ်ရင်တော့ ရုံးတက်ရပါတယ်။ များသောအားဖြင့် company ရဲ့ အနာဂတ် plan တွေကို အမြဲစီစဉ်နေသူဖြစ်ဖို့လိုအပ်ပါတယ်။

၃။ Copywriter

Websites, သတင်းဌာနတွေမှာ စာရေးသားတဲ့လူတွေနဲ့ ကြောငြာလုပ်ငန်းတွေမှာ ဝင်ရောက်လုပ်ကိုင်နေတဲ့လူတွေ ဖြစ်ပါတယ်။ သူများနဲ့မတူတဲ့ စာသား၊ ဆန်းသစ်တဲ့ အိုင်ဒီယာကောင်းတွေနဲ့ စာရေးသားနိုင်တဲ့လူတွေဆိုရင်တာ့ ဒီအလုပ်က အသင့်တော်ဆုံးပါပဲ။ အင်တာနက်နဲ့ ကွန်ပျူတာရှိရုံနဲ့ အိမ်မှာတင် အလုပ်လုပ်နိုင်ပါတယ်။

၄။ Customer Success Representative

customer တွေနဲ့ အမြဲထိတွေ့နေရပြီး feedback တွေကိုလိုက်ရတဲ့အလုပ်ဖြစ်ပါတယ်။ တယ်လီဖုန်း၊ email ကတစ်ဆင့် customer တွေကိုဆက်သွယ်နေရပြီး ကာစတန်မာတွေ စိတ်ကျေနပ်မှုရှိအောင် လုပ်ဆောင်ပေးရတဲ့အလုပ်မျိုးဖြစ်ပါတယ်။

၅။ Senior Product Designer

Company တစ်ခုက product တစ်ခုကို ဒီဇိုင်းပိုင်းမှာတာဝန်ယူပေးရတဲ့ အလုပ်ဖြစ်ပါတယ်။ များသောအားဖြင့် ကွန်ပျူတာနဲ့ လုပ်ရတဲ့အလုပ်ဖြစ်တဲ့အတွက် အိမ်မှာလုပ်လည်းရတဲ့အလုပ်ဖြစ်ပါတယ်။ ကိုယ့်ရဲ့ skills က ကောင်းမွန်ရင်တော့ companies တော်တော်များများ မျက်စိကျမှာ ဖြစ်ပါတယ်။

၆။ Marketing Manager

Marketing Manager ရဲ့အဓိကတာဝန်က မားကတ်တင်း ကမ်ပိန်းတွေစီစဉ်ဖို့နဲ့ ဖောက်သည်တွေရဲ့ လိုအပ်ချက်ကို သိဖို့ပဲဖြစ်ပါတယ်။ အလုပ်လိုအပ်ချက်တွေကတော့ business development manager နဲ့ပုံစံတူပေမယ့် company ရဲ့ product အပေါ် ဖောက်သည်တွေ စိတ်ကျေနပ်မှုရအောင် စွမ်းဆောင်နေရမှာ ဖြစ်ပါတယ်။

၇။ Software Engineer

software engineer တစ်ယောက်ဖြစ်ဖို့အတွက် ကွန်ပျူတာနဲ့ ပတ်သတ်တဲ့ coding language တွေကို ကျွမ်းကျင်စွာအသုံးပြုတတ်ဖို့ လိုပါတယ်။ ကွန်ပျူတာနဲ့ မျက်စိနဲ့မပြတ် လုပ်ရတဲ့အလုပ်ဖြစ်တဲ့အတွက် ကွန်ပျူတာရှိတဲ့ဘယ်နေရာမဆို လုပ်နိင်ပါတယ်။ လစာအနေနဲ့လည်း တော်တော်လေးကောင်းတဲ့ အလုပ်ထဲမှာ ပါဝင်ပါတယ်။

၈။ Editor

သတင်းဌာနနဲ့ blogs တွေမှာ ရေးသားတဲ့လူတွေဖြစ်ပါတယ်။ လုပ်သက် အတွေ့အကြုံပေါ်မူတည်ပြီး companies တွေက လစာကို သတ်မှတ်တဲ့နှုန်းထားတစ်ခုနဲ့ ပေးကြပါတယ်။ အိမ်မှာနေပြီး လုပ်နိင်တဲ့ အလုပ်လည်း ဖြစ်ပါတယ်။

နိုင်ငံတွေအပေါ်မူတည်ပြီး policy တွေလည်း ကွဲပြားတာကြောင့် အထက်က ဖော်ပြပါအလုပ်တွေက အိမ်မှာ ၁၀၀% လုပ်နိုင်တယ်လို့ မဆိုလိုနိုင်ပါဘူး။ လိုအပ်တဲ့အခါ company ကို သွားရောက်ရတာမျိုးရှိပါတယ်။