စျေးလည်းသင့်ရမယ်၊ ဒီဇိုင်းတွေလည်း လန်းရမယ်၊ အရည်အသွေးလည်း ကောင်းရမယ်ဆိုတဲ့ EDC ပစ္စည်းများ

ကျွန်တော်တို့ နေ့စဉ်အိမ်က ထွက်သွားတာနဲ့ ကိုယ်နဲ့အတူယူဆောင်သွားရတဲ့ ပစ္စည်းတွေရှိပါတယ်။ ဥပမာ ဖုန်း၊ အိမ်သော့၊ laptop၊ ဖုန်းအားသွင်းကြိုး၊ ပိုက်ဆံအိတ် စသဖြင့် တစ်ယောက်နဲ့တစ်ယောက် ယူဆောင်သွားကြတဲ့ EDC တွေက မတူကြပါဘူး။ EDC ဆိုတာက every-day carry လို့ အဓိပ္ပါယ်ရပါတယ်။ လူကြိုက်များပြီး အားလုံးအတွက် အသုံးဝင်မယ့် EDC items တွေကို ဒီတစ်ခေါက်မှာ တင်ဆက်ပေးလိုက်ပါမယ်။ (ယခုဖော်ပြမယ့် ပစ္စည်းများသည် စာရေးသူ၏ အတွေ့အကြုံအရ သဘောကျသော ပစ္စည်းများသာ ဖြစ်ပါသည်။ ကြော်ငြာလက်ခံပြီး ရေးသားထားမျိုးခြင်း မပါဝင်ပါ။)

၁။ Tom Toc sling bag

Tom Toc က laptop အိတ်တွေ ထုတ်တဲ့ company တစ်ခုဖြစ်ပြီး ထူးခြားတဲ့ design နဲ့ သင့်တင့်တဲ့ စျေးကြောင့် ကမ္ဘာတစ်လွှားလူကြိုက်များတဲ့ brand တစ်ခုလည်းဖြစ်ပါတယ်။ စာရေးသူအကြိုက်ကတော့ Tom Toc sling bag ဖြစ်ပါတယ်။ iPad mini နဲ့ steam deck/ nintendo switch ထည့်ဖို့အတွက် ပြီးပြည့်စုံတဲ့ အိတ်လည်းဖြစ်ပါတယ်။ အိတ်ထဲမှာ ပစ္စည်းတော်တော်များများ ဝင်ဆံ့ပြီး အိတ်ကိုလွယ်တဲ့ ကြိုးအသားကိုလည်း ကား seatbelt အသားနဲ့ လုပ်ထားပါတယ်။ လွယ်ရတာ သက်တောင့်သက်သာရှိပြီး ပစ္စည်းတွေကို ရှပ်မသွားအောင် ထည့်လို့ရတဲ့ အကန့်တွေလည်း ပါပါတယ်။ အိမ်သော့ထည့်ဖို့အတွက် ဂျိတ်လေးတစ်ခုပါ အိတ်ထဲမှာပါဝင်ပါတယ်။ သင့်ရဲ့ အိမ်သော့ကို ဘယ်တော့မှ ရှာစရာမလိုအောင် စီမံပေးထားပါတယ်။ အရောင်အနေနဲ့လည်း လေးမျိး ရွေးချယ်လို့ရပါတယ်။ စျေးနှုန်းကတော့ ထိုင်းဘတ် ၁၃၀၀ ပတ်ချာလည်ရှိပါတယ်။

၂။ Gravastar Alpha 65 charger

စျေးကွက်ထဲမှာ fast charger ဘယ်လောက်ရှိရှိ ဒီ charger ရဲ့ ပုံစံကိုတော့ ဘယ် charger မှ မမှီပါဘူး။ သင်က gamer (သို့) လူငယ်တစ်ယောက်ဆိုရင် ဒီ charger ကို မြင်လိုက်တာနဲ့ သင့်မျက်လုံးက အရောင်တောက်လာပါလိမ့်မယ်။ Charger ပုံလေးက စက်ရုပ်ကောင်လေးတစ်ကောင်လို ဖြစ်နေပြီး သင့်စိတ်ကြိုက် customize လုပ်ချင်ရင် လုပ်လို့ရပါတယ်။​ charging port အနေနဲ့ type-c နှစ်ပေါက်နဲ့ usb တစ်ပေါက် ပါဝင်ပါတယ်။ Laptop နဲ့ အခြား device နှစ်ခုကို တစ်ပြိုင်နက် အားသွင်းနိုင်ပါတယ်။ စျေးနှုန်းအနေနဲ့ကတော့ ထိုင်းဘတ် ၈၀၀ ဝန်းကျင်လောက်ရှိပါတယ်။

၃။ Budi 9 in 1 cable adapter

ဒီ cable adapter လေးက ရိုးရိုးရှင်းရှင်းလေးနဲ့ အတော်လေးအသုံးဝင်တဲ့အရာလေးတစ်ခုဖြစ်ပါတယ်။ SD card တွေကို သိမ်းထားနိုင်ပြီး မည်သည့် device မဆို ချိတ်ဆက်နိုင်တဲ့ cable အကုန်ပါဝင်ပါတယ်။ ဒါ့အပြင် သင့် SD card ကို card reader အနေနဲ့လည်း အသုံးပြုနိုင်ပါတယ်။ စျေးအနေနဲ့လည်း ထိုင်းဘတ် ၃၀၀ ပဲ ရှိပါတယ်။

၄။ Klearlook phone stand

Phone stand ပေါင်း မီလီယံနဲ့ချီရှိပေမယ့် ဒီလို design နဲ့ အသုံးဝင်မယ့် stand ကတော့ ရှားပါတယ်။​ သင့်ဖုန်းကို position မျိုးစုံထားချင်တဲ့နေရာ ထားနိုင်ပြီး video creators တွေအတွက်လည်း အသုံးဝင်တဲ့ stand မျိုးဖြစ်ပါတယ်။ ခေါက်သိမ်းလိုက်တဲ့အခါလည်း ကျစ်ကျစ်လစ်လစ်နဲ့ အလွယ်တကူ နေရာတကာ သယ်သွားနိုင်ပါတယ်။ စျေးနှုန်းအားဖြင့် ထိုင်းဘတ် ၁၀၀ အောက်ပဲရှိပါတယ်။

၅။ Bruit V10 flash light

အရွယ်အစားအနေနဲ့ မီးခြစ်လောက်ပဲရှိပြီး အလင်းအားကောင်းတဲ့ flash light လေးဖြစ်ပါတယ်။ လက်နှိပ်ဓါတ်မီးလို ထိုးလို့ရပြီး သံလိုက်ပါတာကြောင့် မီးအိမ်အသေးစား အနေနဲ့လည်း သုံးနိုင်ပါတယ်။ ဒါ့အပြင် UV light လည်း ပါတာကြောင့် ပိုက်ဆံ အတုအစစ် နဲ့ အခြားအသုံးလိုတဲ့အရာတွေကိုလည်း သုံးလို့ရပါတယ်။ စက်ဘီးမှာ အချက်ပြမီးအနေနဲ့လည်း အသုံးပြုနိုင်ပြီး သင်အလိုရှိသလို အသုံးပြုနိုင်ပါတယ်။ အားကုန်တဲ့အခါလည်း type-c port ဖြစ်တာကြောင့် အလွယ်တကူ အားပြန်သွင်းနိုင်ပါတယ်။ စျေးနှုန်းအနေနဲ့ ထိုင်းဘတ် လေးရာကျော်ပဲ ရှိပါတယ်။