ကျွန်တော်တို့ အားလုံးသိကြတဲ့ Windows 7 နှင့်အတူ Windows 8, 8.1 တို့ဟာ ယခုအချိန်မှာ အဆုံးသတ်သွားပါပြီး။ ၎င်း operating system (၃)မျိုးကို ဆက်လက်အသုံးပြုနေမယ်ဆိုရင် သင်ဟာ Microsoft ရဲ့ လုံခြုံရေးဆိုင်ရာ အကူအညီတွေ၊ Update တွေကို ရတော့မှာ မဟုတ်ဘူးလို့ Microsoft မှ တရားဝင် ထုတ်ပြန်ချက်အရ သိရပါတယ်။
Microsoft ၏ ထုတ်ပြန်ချက်အရ အဆိုပါ အဆုံးသတ်မှုဟာ ဂျန်နဝါရီလ (၁၀) ရက်နေ့က စတင်တာဖြစ်ကြောင်း သိရပါတယ်။ ဒါဟာ Gamer တွေအတွက်တော့ ကြီးမားတဲ့ ထိခိုက်မှုမဟုတ်ပေမယ့် ရုံးပိုင်းဆိုင်ရာတွေအတွက်တော့ ထိခိုက်မှုတွေ ရှိလာနိုင်ပါတယ်။ Steam ရဲ့ မှတ်တမ်းအရ Windows 7, 8, 8.1 ကို အသုံးပြုတဲ့ Gamer ဟာ 2.18% လောက်ပဲ ရှိပါတယ်။ သို့သော် ရုံးလုပ်ငန်း တော်တော်များများမှာ လက်ရှိအချိန်ထိ Windows 7, 8, 8.1 ကို အသုံးပြုနေတုန်းပါပဲ။ အထူးသဖြင့် ဖွံ့ဖြိုးဆဲ နိုင်ငံတွေမှာ တွေ့ရပါတယ်။
သင်ဟာ Microsoft ၏ လုံခြုံရေးဆိုင်ရာ အကူအညီကို မလိုအပ်ဘူး (သို့မဟုတ်) အခြားသော လုံခြုံရေး Software ကို အသုံးပြုနေကာ Update ကိုလည်း မလိုအပ်ဘူး ဆိုပါက Windows 7, 8, 8.1 ကို ဆက်လက်အသုံးပြုလို့ အဆင်ပြေနေအုံးမှာပါ။ အကောင်းဆုံးကတော့ Windows 10 (သို့မဟုတ်) Windows 11 ကို ပြောင်းသုံးလိုက်ဖို့ အကြံပြုပါရစေ။