ဂျွန်လ ၅ရက်နေ့မှာ ကျင်းပခဲ့တဲ့ Apple ရဲ့ WWDC 2023 ပွဲမှာ iOS 17 Beta နဲ့ ပတ်သက်ပြီး စတင်မိတ်ဆက်ပေးခဲ့တာ ဖြစ်ပါတယ်။ iOS 17 မှာ ၁၂ ခု ထပ်မနည်းတဲ့ Features အသစ်တွေ ပါဝင်လာတာ တွေ့ရပါတယ်။
Beta လို့ပြောထားပေမယ့် Free Beta Program မှာ အသုံးပြုလို့ရအုံးမှာ မဟုတ်ပဲ တစ်နှစ်ကို ၉၉ ဒေါ်လာ ပေးရတဲ့ Developer Program မှာသာ အသုံးပြုလို့ရမှာ ဖြစ်ပါတယ်။ ခန့်မှန်းထားချက်အရတော့ iOS 17 ကို စက်တင်ဘာလမှာ အသစ်ထွက်လာမယ့် iPhone နဲ့အတူ Update လုပ်ပေးမယ်လို့ သိရပါတယ်။ အခုပြောပြမယ့် Features တွေဟာ iOS 17 ကို Update ပေးတဲ့အချိန်မှာ အားလုံးပါလာမှာမဟုတ်ပဲ iOS 17.1 ၊ iOS 17.2 အစရှိတဲ့ နောက်ပိုင်းထပ်ထွက်မယ့် Update တွေမှာ ဖြည်းဖြည်းချင်း တစ်ခုပြီးတစ်ခု ပါဝင်လာမယ်လို့လည်း သိရပါတယ်။ ဒါဆို iOS 17 မှာ ပါလာမယ့် Features အသစ်တွေကို ကြည့်လိုက်ရအောင် –
New Lock Screen Mode
ပုံထဲမှာ မြင်ရတဲ့အတိုင် iOS 17 မှာ Lock Screen Interface အသစ်တွေ ပါဝင်လာမှာ ဖြစ်ပါတယ်။ နာရီ ၊ Weather Forecast ၊ ပြက္ခဒိန် နဲ့ Notifications တွေရဲ့ Style တွေ ပြောင်းသွားမယ့်အပြင် ဖုန်းကို အလျားလိုက်ထားတဲ့အချိန်နဲ့ ဒေါင်လိုက်ထားတဲ့အချိန်မှာ တွေ့ရမယ့် Lock Screen ပုံစံတွေဟာလည်း ပြောင်းလဲမှုတွေ ရှိလာမယ်လို့ သိရပါတယ်။
Wallet App Revamp
Apple ရဲ့ Built-In Wallet App ဟာ iOS 17 မှာ သိသာထင်ရှားတဲ့ ပြောင်းလဲမှုတွေ ပါဝင်လာမှာ ဖြစ်ပါတယ်။ ဘာတွေပြောင်းလဲ လာမလဲဆိုတာတော့ အတိအကျ ပြောပြထားတာ မရှိပေမယ့် Apple Pay ၊ Apple Card Savings Account တို့နဲ့ ပတ်သက်တဲ့ Features အသစ်တစ်ခုကို Wallet App ထဲမှာ မြင်တွေ့ရမှာ ဖြစ်ပါတယ်။
News Accessibility Features
Accessibility Features အသစ်ကတော့ ပြီးခဲ့တဲ့လတုန်းက တင်ဆက်ပေးခဲ့တဲ့ မသန်စွမ်းများကို အထောက်အကူပြုစေမယ့် Features ပဲဖြစ်လို့ အသေးစိတ် မရှင်းပြတော့ပါဘူး။
Next-Generation CarPlay
Next-Generation CarPlay Features ကတော့ ပြီးခဲ့တဲ့ WWDC 2022 တုန်းက မိတ်ဆက်ပေးခဲ့တဲ့ Features ဖြစ်ပါတယ်။ ဒီ Features နဲ့ ပတ်သက်ပြီး အသေးစိတ်မပြောပြထားပေမယ့် ယာဥ်မောင်းအတွက် အထောက်အကူပြုစေမှာ ဖြစ်ပြီး ၂၀၂၃ အကုန်လောက်မှာ ဒီ Features ကို အသုံးပြုထားတဲ့ကား စတင်ထွက်ရှိမယ်လို့ Apple ကပြောထားပါတယ်။ ဒီ Features ကို အသုံးပြုမလို့ ကတိပြုထားတဲ့ ကားထုတ်လုပ်ရေးကုမ္ပဏီတွေကတော့ Acura ၊ Audi ၊ Ford ၊ Honda ၊ Jaguar ၊ Land Rover ၊ Mercedes-Benz ၊ Nissan ၊ Porsche ၊ Volvo နဲ့ အခြားကုမ္ပဏီတွေဖြစ်တယ်လို့ Apple က ပြောပါတယ်။
Journal App
Journal App ဟာလည်း iOS 17 နဲ့အတူ ပါလာမယ့် iPhone တွေအတွက် App အသစ်ပဲ ဖြစ်ပါတယ်။ ဒီ App နဲ့ ပတ်သက်ပြီး အသေးစိတ်ကို မသိရသေးပေမယ့် Note ရေးတာတွေ ၊ လူမှုရေးနဲ့ ပတ်သက်တဲ့ အရာတွေအပြင် ဂျာနယ်ရေးတာတွေအထိ လုပ်လို့ရမယ်လို့ သိရပါတယ်။
Find My Enhancements
ဒီ Features ကတော့ Apple ရဲ့ Build-In App ဖြစ်တဲ့ Find My App ကို အဆင့်မြှင့်ထားတာလို့ သိရပါတယ်။ အပေါ်မှာပြောခဲ့တဲ့ Journal App နဲ့ Find My App တို့ကို ချိတ်ဆက်ပြီး အလုပ်လုပ်မှာ ဖြစ်တယ်လို့ သိရပြီး အသေးစိတ်ကိုတော့ ပြောပြထားတာ မရှိသေးပါဘူး။
iMessage Contact Key Verification
iMessage Contact Key Verification ကို ပြီးခဲ့တဲ့ ဒီဇင်ဘာလတုန်းက Apple က မိတ်ဆက်ပေးထားပြီးပြီ ဖြစ်ပါတယ်။ ဒီ Features ဟာ iOS 17 မှာ ပါဝင်လာမှာ ဖြစ်သလို iOS 16.6 မှာလည်း ပါဝင်ပြီးသား ဖြစ်ပါတယ်။ iOS 17 မှာတော့ ရိုးရိုး ဖုန်းနဲ့ စကားပြောတာအပြင် FaceTime နဲ့ စကားပြောတာ မှာပါ Verify လုပ်နိုင်မှာ ဖြစ်ပါတယ်။
SharePlay Enhancements
ဒီ Features ကတော့ iOS အသုံးပြုသူအချင်းချင်း FaceTime ပြောနေရင်းနဲ့ အတူတူ ရုပ်ရှင်ကြည့်တာတို့ အကြောင်းအရာတစ်ခုခုကို အတူတူကြည့်တာမျိုး လုပ်လို့ရမယ့် Features ပဲ ဖြစ်ပါတယ်။
AirPlay Enhancements
AirPlay Enhancements ကတော့ အများပြည်သူသုံး နေရာတွေမှာရှိတဲ့ TV လိုမျိုး Devices တွေကို iPhone မှ တစ်ဆင့် ဒီ Features ကိုအသုံးပြုကာ ထိန်းချုပ်လို့ရမှာ ဖြစ်ပါတယ်။ ဒီ Features ဟာ လည်း iOS 17 မှာ ထည့်သွင်းပေးသွားမယ့် Features တစ်ခုဖြစ်ပြီး လက်ရှိမှာ Hotel တွေနဲ့ အများပြည်သူသုံးနေရာတွေကို Apple က ဒီ Features အတွက် ညှိနှိုင်းမှုတွေ ပြုလုပ်နေတယ်လို့ သိရပါတယ်။
App Sideloading in EU
ဒီ Features ကတော့ ၂၀၂၄ ခုနှစ် မတ်လမှာ ဥရောပအတွက် သီးသန့် ထုတ်ပေးမယ့် Features ဖြစ်ပါတယ်။ ဒီ Features ရဲ့ အလုပ်လုပ်ပုံက Apps တွေကို Apple ရဲ့ App Store ကသာမက Apps Store ပြင်ပကနေပါ Install လုပ်ခွင့်ပြုမှာ ဖြစ်ပါတယ်။
Mood Tracking In Health App
iOS 17 မှာ Health App အတွက် Features အသစ်လည်း ပါဝင်လာမှာ ဖြစ်ပါတယ်။ ဒီ Features ကတော့ အသုံးပြုသူတွေရဲ့ စိတ်ခံစားချက်တွေကို သိရှိနိုင်မယ့် Features ဖြစ်ပြီး iPhone အတွက်တင်မကပဲ iPad အတွက်ပါ ထုတ်ပေးမယ်လို့ သိရပါတယ်။
Unwanted Tracking Alerts Expansion
ဒါကတော့ Apple ရဲ့ AirTag မှာ ပါဝင်လာမယ့် Features ပဲ ဖြစ်ပါတယ်။ Features ရဲ့ အသေးစိတ် အချက်အလက်တွေကိုတော့ မပြောပြထားပေမယ့် AirTag လိုမျိုး ခြေရာခံတဲ့ ကိရိယာတွေကို လွဲမှားစွာ အသုံးချနေတာကို ကာကွယ်နိုင်မယ့် Features ဖြစ်တယ်လို့ သိရပါတယ်။
ဒါတွေ အားလုံးကတော့ ၂၀၂၃ အကုန်လောက်မှာ ထွက်ရှိလာမယ့် iOS 17 ရဲ့ Features အသစ်တွေပဲ ဖြစ်ပါတယ်။