Instagram က Photo Carousel တွေမှာ သီချင်း ထည့်နိုင်မယ့် New Feature တစ်ခုကို စမ်းသပ်နေတယ်လို့ သိရှိရပါတယ်။ အရင်ကလဲ Instagram Story မှာ Photo နဲ့ သီချင်းတိုလေးတွေကို ထည့်သွင်းလို့ ရတဲ့ Feature ရှိနေပြီးသားဖြစ်ပေမယ့် အခုစမ်းသပ်နေတဲ့ New Feature ကတော့ မတူညီဘဲ Post တင်ထားတဲ့ Photo Carousel တွေမှာ သီချင်းတစ်ပုဒ်လုံးကို နားထောင်လို့ ရတော့မှာဖြစ်ပါတယ်။ ၎င်း New Feature ကို နိုင်ငံတစ်ချို့ မှာ အခုချိန် အသုံးပြုလို့ရနေပြီ ဖြစ်ကြောင်း သိရှိရပါတယ်။
သီချင်းတစ်ပုဒ်လုံးကို အပြည့်နားထောင်လို့ရမယ့် Feature အပြင် CEO Mark Zuckerberg က Instagram ပေါ်ရှိ မိမိ Friend များနဲ့ Instagram Notes မှာ သီချင်း တစ်ပုဒ်လုံးကို ပေးပို့ပြီး နားဆင်လို့ရမယ့် Feature တစ်ခုကိုလဲ Zuckerberg က Instagram Channel မှာ Short video တစ်ပုဒ် အနေနဲ့ မျှဝေထားပါတယ်။