ဒီနေ့မှာတော့ MonetizeMyanmar ကနေ Tax Form ဖြည့်တဲ့အခါ သိထားရမယ့် Form အမျိုးအစား (၂) ခု အကြောင်းကို ရှင်းပြသွားမှာ ဖြစ်ပါတယ်။
Tax Form ဘာကြောင့်ဖြည့်ရသလဲ?
Tax Form ဆို Web Publisher ဖြစ်စေ၊ Content Creator တွေဖြစ်စေ Youtube, Facebook နဲ့ အခြားသော Digital Platform တွေပေါ်ကနေ ဝင်ငွေရရှိတဲ့အခါ ရရှိလာတဲ့ ဝင်ငွေအပေါ် သက်ဆိုင်ရာ အစိုးရအသီးသီးအား အခွန်ဆောင်ဖို့အတွက် ဖြည့်ရတာဖြစ်ပါတယ်။
W8 vs W9 ဘာကွာလဲ
Tax Form ဖြည့်တဲ့အခါ သိထားရမယ့် အခြေခံ Form ၂ မျိုးရှိပါတယ်။ အဲ့ဒါတွေကတော့ W8 Form နဲ့ W9 Form တို့ဘဲ ဖြစ်ပါတယ်။ W8 BEN Form ကိုတော့ အမေရိကန်နိုင်ငံသားမဟုတ်တဲ့သူတွေ ဖြည့်ရမယ့် Form လို့ အလွယ်တစ်ကူ မှတ်ထားလို့ရပါတယ်။ W9 Form ကျတော့ အမေရိကန်နိုင်ငံသား၊ အမေရိကန်ရှိ စီးပွားရေးတစ်ခုခုနဲ့ ပတ်သတ်ဆက်စပ်ပြီး ဝင်ငွေဝင်တဲ့သူတွေ ဖြည့်ရမယ့် Form ဖြစ်ပါတယ်။
ဒါကြောင့် အမေရိကန်နိုင်ငံသားမဟုတ်သူ မြန်မာနိုင်ငံသား Content Creator တွေအနေနဲ့ W8 Form ကို ဖြည့်ရမှာဖြစ်ပါတယ်။
W8 Form ဖြစ်စေ၊ W9 Form ဖြစ်စေ ဘယ် Form ဖြစ်ဖြစ် TIN လို့ခေါ်တဲ့ အခွန်ထမ်းအမှတ်ကို ဖြည့်သွင်းရပါတယ်။ Google, Facebook တို့နဲ့ တိုက်ရိုက် အလုပ်မလုပ်တဲ့ နိုင်ငံတွေအတွက် TIN Number ကို Random Number တွေထည့်သွင်းပြီး ဖြေရှင်းလို့ရနိုင်ပါတယ်။
Google, Facebook တို့လို ကုမ္ပဏီတွေနဲ့ အစိုးရနဲ့ တိုက်ရိုက်ချိတ်ဆက်ထားတဲ့ နိုင်ငံတွေမှာတော့ TIN Number ကို Random Number လျှောက်ထည့်လို့တော့ မရပါဘူး။
ကျနော်/ကျမ US မှာနေနေတယ်၊ W8 Form မပေါ်နေဘူး၊ ဘာလုပ်ရမလဲ?
အချို့ Platform တွေကတော့ US Region ရွေးထားလဲ W8, W9 Form ရွေးခွင့်ရှိပေမယ့် Facebook မှာတော့ US Region ရွေးထားရင် TIN number တွေ အရင်ထည့်ရတာ ဖြစ်ပါတယ်။
အမေရိကန်မှာ တရားဝင် အလုပ်လုပ်ကိုင်နေသူ၊ ၃နှစ်အထက် နေထိုင်သူ အားလုံးတို့ကျတော့ နိုင်ငံခြားသားဖြစ်နေပေမယ့် W9 Form သာ ဖြည့်သွင်းရမှာ ဖြစ်ပြီး W8 Form ဖြည့်သွင်းခွင့် မရှိပါဘူး။
အမေရိကန်မှာ ကျောင်းတက်နေတယ်၊ Youtube/Facebook ကနေ ဝင်ငွေရနေပြီ ဘာ Form ဖြည့်ရမလဲ?
W8 Form သာဖြည့်ရမှာပါ။ အကယ်၍ TIN Number မရှိဘူးဆိုရင်တော့ အစိုးရဝက်ဘ်ဆိုဒ်တွေကနေ Request and Apply လုပ်ရမှာ ဖြစ်ပါတယ်။ အမေရိကန်နဲ့ ဥရောပနိုင်ငံတွေက Google, Facebook တို့လို နည်းပညာကုမ္ပဏီတွေနဲ့ ချိတ်ဆက်အလုပ်လုပ်တာကြောင့် TIN နံပတ်ကို လျှောက်ထည့်လို့ မရပါဘူး။ အချို့တွေ Random Number တွေထည့်ပြီး လုပ်လို့ရနေတယ်ဆိုတာက အာရှနိုင်ငံတွေဖြစ်နေတာရယ်၊ အစိုးရနဲ့ နည်းပညာကုမ္ပဏီကြီးတွေ ချိတ်ဆက်ထားမှု မရှိလို့ပါ။
ဒါဆိုရင်တော့ Youtube, Facebook တို့မှာ TAX Form ဖြည့်တဲ့အခါ ဘယ် Form ကို ဖြည့်ရမလဲဆိုတာနဲ့ ပတ်သတ်ပြီး သဘောပေါက်ပြီလို့ထင်ပါတယ်။
အကျဉ်းချုပ်ပြန်ပြောမယ်ဆိုရင် Tax Form ဖြည့်တယ်ဆိုတာ W8/W9 Form ရွေးချယ်ပြီးတာနဲ့ ကိုယ့်ရဲ့ တစ်ကိုယ်ရည် အချက်အလက်တွေ မှန်ကန်စွာ ဖြည့်ပေးရုံပါဘဲ။ အခြားထွေထွေထူးထူး ဖြည့်စရာတော့ ဘာမှမရှိပါဘူး။
MonetizeMyanmar မှာ TAX Form Service အတွက် လာလာမေးကြလို့ ဒီပိုစ့်လေးကို ရေးပေးလိုက်တာဖြစ်ပါတယ်။ Tax Form Service ဆိုပြီး MonetizeMyanmar မှာ မရှိသလို လူတိုင်း ဒီအချက်အလက်တွေကို သိထားရင် အခမဲ့ကိုယ်တိုင်တင်လို့ရကြောင်း သိစေချင်လို့ တင်ပေးလိုက်တာ ဖြစ်ပါတယ်။ အားလုံးဘဲ အိုကေစိုပြေကြပါစေ။