Facebook က အသုံးပြုသူတွေရဲ့ အချက်အလက်တွေကို အမြဲခြေရာခံပြီး Data တွေကို အမြဲသိမ်းဆည်းနေကြတာ နှစ်အတော်ကြာပြီဖြစ်ပါတယ်။ ရရှိတဲ့ Data တွေကတစ်ဆင့် ကြော်ငြာနှင့်အခြားအကြောင်းအရာတွေကို သက်ဆိုင်တဲ့လူတွေထံ မျှဝေခြင်းတွေလုပ်ပါတယ်။ အခုနောက်ဆုံး ခြေရာခံနည်းကတော့ “Link History” လို့ခေါ်ပါတယ်။ ဒီ feature ကိုတော့ ကိုယ်တိုင်ပိတ်လို့ရပါတယ်။ ဒီအကြောင်းအရာမပြောခင်မှာ Facebook နှင့် တရားရုံးမှာ ရင်ဆိုင်ရတဲ့ အမှုတွေအကြောင်းကို ပြောပါရစေ။
![](https://bunny-wp-pullzone-wi4ruizkvc.b-cdn.net/wp-content/uploads/2024/01/3327859_041118-kgo-ap-mark-zuckerberg-hearing-img-1024x576.jpg)
Facebook ရဲ့ CEO ဖြစ်တဲ့ Mark Zuckeberg က တရားရုံးမှာရင်ဆိုင်ရတဲ့ အမှုတွေက မနည်းပါဘူး။ အကြောင်းရင်းကတော့ အပေါ်က ဖော်ပြခဲ့သလို အသုံးပြုသူတွေရဲ့ အချက်အလက်ကို နည်းမျိုးစုံနှင့်ရယူပြီး အခြားအကြောင်းအရာတွေမှာ အသုံးချတာကြောင့် တရားရင်ဆိုင်ရပါတယ်။ လွန်ခဲ့တဲ့နှစ်က company အနေနှင့် ဒေါ်လာ ၇၂၅သန်းကို ပေးချေရမယ်လို့ သဘောတူညီခဲ့ရပါတယ်။ အသုံးပြုသူတွေရဲ့ Data တွေပေါက်ကြားတာကြောင့် တရားစွဲခံရတာဖြစ်ပါတယ်။ ဒီအဖြစ်အပျက်နောက်ပိုင်းမှာတော့ Apple က ဖုန်းမှာ Apps တွေအသုံးပြုတဲ့အခါ Data တွေကို အလွယ်တကူမရယူနိုင်အောင် App Tracking Transparency ကို ထည့်သွင်းခဲ့ပါတယ်။ အသုံးပြုသူရဲ့ ခွင့်ပြုချက်မရယူပဲ Apps တွေက လုံး၀မရယူနိုင်အောင် လုပ်ထားပါတယ်။
အတိုချုံးကို ရှင်းပြရမယ်ဆိုရင် Facebook က Data တွေကို ရယူတဲ့အကြောင်းရင်းကတော့ သူ့ရဲ့ platform မှာ လာကြော်ငြာတဲ့လူတွေအတွက် Data အမှန်တွေရတဲ့အခါ အလွယ်တကူ ကြော်ငြာနိုင်အောင် လုပ်ပေးထားတာဖြစ်ပါတယ်။ တရားရုံးမှာ ရင်ဆိုင်ရပြီးနောက်ပိုင်းမှာတော့ ပုံစံအသစ်တစ်မျိုးနှင့် Data တွေကိုရယူဖို့ ကြိုးစားပါတယ်။ ဒီနည်းလမ်းကတော့ Facebook newsfeed မှာပေါ်တဲ့ website link ကို နှိပ်လိုက်ရုံနှင့် facebook က အသုံးပြုသူရဲ့ Data တွေကို ရယူပြီးမှတ်သားထားလိုက်တာဖြစ်ပါတယ်။
ပုံထဲမှာပြထားတဲ့အတိုင်း သင့်ဘက်က confirm နှိပ်လိုက်ရင်တော့ သင့်ရဲ့ newsfeed မှာ ကြော်ငြာတွေတက်လာမှာ ဖြစ်ပါတယ်။
သင့်အနေနှင့် ကြော်ငြာ post တွေကို မမြင်ချင်ရင် ဒီအဆင့်အတိုင်းလုပ်နိုင်ပါတယ်။
- Facebook App ကို ဖွင့်လိုက်ပါ
- Menu ကို နှိပ်ပါ (အိုင်ဖုန်းအတွက် ညာဘက်ထောင့်က အောက်ဆုံးနား နှင့် android အတွက် ညာဘက် အပေါ်ထောင့်ဆုံးနား)
- Setting & Privacy Section ကို နှိပ်ပါ
- Settings ကို ထပ်နှိပ်ပါ
- Browser ကိုနှိပ်ပါ
- Allow link history ခလုတ်ကို ပိတ်လိုက်ပါ။ ပြီးရင်တော့ အခုပြထားတဲ့ပုံထဲက အတိုင်းဖြစ်သွားပါလိမ့်မယ်။
အသုံးပြုသူတွေအနေနှင့် Facebook ပေါ်က ကိုယ်မသိတဲ့ Link တွေကို အတက်နိုင်ဆုံး မနှိပ်မိဖို့ တိုက်တွန်းလိုက်ပါတယ်။