Microsoft က Windows 10 support ကို တရားဝင်ရပ်ဆိုင်းလိုက်ပြီဖြစ်ပြီး၊ လူတွေကို Windows 11 ကို ပြောင်းသုံးလာအောင် AI feature အသစ်တွေ ထည့်သွင်းနေတာ ဖြစ်ပါတယ်။ Microsoft ရဲ့ Copilot AI က ကွန်ပျူတာထဲမှာ သိမ်းထားတဲ့ local file တွေကို တိုက်ရိုက်အလုပ်လုပ်ပေးနိုင်တာပါပဲ။ ဘယ်လိုအလုပ်လုပ်လဲဆိုတော့ ဥပမာ – ဓာတ်ပုံတွေရဲ့ size ကို ပြောင်းခိုင်းတာမျိုး၊ ဒါမှမဟုတ် Spotify playlist တစ်ခုထဲကို သီချင်းတွေထည့်ခိုင်းတာမျိုးတွေ လုပ်နိုင်မှာပါ။ ဒါက လူတစ်ယောက်လိုပဲ သင့်အစား mouse နှိပ်တာ၊ စာရိုက်တာတွေ လုပ်ပေးမယ့် AI agent တစ်မျိုးပါပဲ။
ဒီ feature က default အနေနဲ့ ပိတ်ထားမှာဖြစ်ပြီး၊ သူ့အတွက် သီးသန့် desktop တစ်ခုထဲမှာပဲ အလုပ်လုပ်မှာပါ။ AI က အလုပ်လုပ်နေတာကို ကိုယ်တိုင်ကြည့်နေနိုင်ပြီး ကြိုက်တဲ့အချိန် ဝင်ထိန်းချုပ်နိုင်ပါတယ်။ Microsoft ကိုယ်တိုင်ကလည်း ဒီ AI က အမှားတွေလုပ်နိုင်သေးတဲ့အတွက် အခုလို လက်တွေ့စမ်းသပ်နေတာပါလို့ ဝန်ခံထားပါတယ်။ ဒါ့အပြင် Start button ဘေးမှာ Copilot shortcut အသစ်တစ်ခုထည့်ပေးတာ၊ screen ပေါ်က အကြောင်းအရာတွေကို စာရိုက်ပြီးမေးနိုင်တာမျိုးတွေလည်း ပါဝင်လာမှာပါ။