အင်ဒိုနီးရှားနိုင်ငံမှာ လွန်ခဲ့သောရက်အနည်းငယ်က Elon Musk ကိုယ်တိုင် ဝန်ကြီးချုပ်နှင့်အတူ Starlink Satellite Internet ဝန်ဆောင်မှုကို ရရှိပြီဖြစ်ကြောင်း အခမ်းအနားနှင့်အတူ ကျင်းပခဲ့ကြပါတယ်။ ကျန်းမာရေးဝန်ထမ်း အမြောက်အများတက်ရောက်ကြပြီး အခုလို satellite internet service ရရှိသွားတာကြောင့် ပညာရေးနှင့် ကျန်းမာရေးမှာ များစွာအထောက်အကူပြုနိုင်တယ်လို့ Elon Musk က ပြောကြားခဲ့ပါတယ်။ ထို့အပြင် အင်တာနက်ရှိရုံနှင့် စီးပွားရေး နှင့် ပညာရေးကို မည်သည့်နေရာကမဆို လုပ်ဆောင်နိင်တယ်လို့လည်း ထပ်မံပြောကြားခဲ့ပါတယ်။ အင်ဒိုနီးရှားနိုင်ငံ၏ ကျန်းမာရေး နယ်ပယ်နှင့် ပညာရေးကို ကူညီမည့် သဘောတူညီမှုလည်းချုပ်ဆိုခဲ့တယ်လို့ သိရှိရပါတယ်။ အင်ဒိုနီးရှားနိုင်ငံ၏ အချို့နေရာတွေမှာ အင်တာနက်တပ်ဆင်ဖို့ အခက်အခဲရှိတာကြောင့် ယခုလို satellite internet ကို အသုံးပြုနိုင်ခြင်းက အင်ဒိုနီးရှားနိုင်ငံအတွက် ကောင်းကျိုးအများကြီးရှိတယ်လို့ ဝန်ကြီးချုပ်တွေက ပြောကြားခဲ့ပါတယ်။
ကျန်းမာရေးဝန်ကြီးဌာနရဲ့ အကြီးအကဲဖြစ်တဲ့ Budi Gunadi Sadikin ပြောကြားချက်အရ တစ်နိုင်ငံလုံးမှာရှိတဲ့ ဆေးခန်းပေါင်း ၁ သောင်းကျော်မှာ ၂၇၀၀ က အင်တာနက် မရရှိနေဘူးလို့ ပြောကြားခဲ့ပါတယ်။ ယနေ့မှာတော့ Starlink ရဲ့ အကူအညီကြောင့် တစ်နိုင်ငံလုံး satellite internet ကို အသုံးပြုနိုင်သွားပြီလို့ ပြောကြားခဲ့ပါတယ်။ ဘာလီကျွန်းမှာ ဝန်ကြီးချုပ်တွေနှင့်အတူ Elon Musk က Starlink Satellite Internet ဝန်ဆောင်မှုကို မိတ်ဆက်ခဲ့တာဖြစ်ပါတယ်။ Elon Musk ရောက်ရှိလာပြီး တစ်ပတ်အကြာမှာ Apple CEO, Tim Cook က ဝန်ကြီးချုပ် Widodo ကို လာရောက်တွေ့ရှိခဲ့ပါတယ်။ ထို့အပြင် MIcrosoft CEO, Satya Nadella လည်း လာရောက်ပြီး နောင် ၄ နှစ်အကြာမှာ အသုံးပြုမည့် cloud & AI infrastructure အတွက် အင်ဒိုနီးရှားမှာ ဒေါ်လာပေါင်း ၁.၄ ဘီလီယံကျော်လာရောက် ရင်းနှီးမြှုပ်နှံမယ့်အကြောင်း ပြောကြားခဲ့ပါတယ်။
ဝန်ကြီးချုပ် Widodo လက်ထပ်မှာ အင်ဒိုနီးရှားနိုင်ငံရဲ့ Digital Technology & Information sector အတွက် အကောင်းဆုံးကြိုးစားတာကို တွေ့ရှိရပါတယ်။ ထို့အပြင် 2045 Vision အရ ကမ္ဘာမှာ စီးပွားရေးအဖွံ့ဖြိုးဆုံး ၅ နိုင်ငံမှာပါဝင်အောင် ကြိုးစားနေတယ်လို့ ဆိုပါတယ်။ အင်ဒိုနီးရှားနိုင်ငံရဲ့ Digital Technology and Information sector မှာ support ပေးမှုကြောင့် နိုင်ငံတကာမှ Digital Nomad တွေလာရောက်နေထိုင်ကြတာကို တွေ့ရှိရပါတယ်။
