ဒီအပတ်က AI တွေရဲ့အပတ်လို့လည်း ပြောလို့ရပါတယ်။ အသစ်ထွက်ရှိလာတဲ့ AI တွေနှင့် ပတ်သတ်တဲ့ သတင်းတွေကို တင်ဆက်ပေးသွားမှာဖြစ်ပါတယ်။ OpenAI က နောက်ဆုံး version ဖြစ်တဲ့ ChatGPT chatbot ကို မိတ်ဆက်လိုက်ပါတယ်။ အလားတူ Elon Musk ကလည်း သူ့ရဲ့ X paltform မှာသုံးနိုင်မယ့် AI chatbot ဖြစ်တဲ့ Grok ကိုမိတ်ဆက်လိုက်ပါတယ်။
Open AI ရဲ့ နေ့တစ်နေ့
ChatGPT ကို မိတ်ဆက်ပြီး နှစ်တစ်နှစ်အကြာမှာ ပထမဦးဆုံးလုပ်တဲ့ Developer Conference ဖြစ်ပါတယ်။ ဒီပွဲမှာတော့ AI tool updates တွေအကြောင်း ပြောပြသွားပါတယ်။ AI tool update မှာ Developers တွေက စိတ်ကြိုက် customize လုပ်နိုင်တဲ့ feature တွေပါဝင်လာပါတယ်။ နာမည်ကိုလည်း GPTs ဆိုပြီးပြောင်းလဲ ခေါ်ဝေါ်ခဲ့ပါတယ်။ GPTs တွေက database တွေကိုချိတ်နိုင်ပြီး e-commerce လုပ်ငန်းနှင့် Emails တွေမှာပါ အသုံးပြုနိုင်မယ်လို့လည်း ဆိုပါတယ်။ GPTs ကို လူတိုင်းဖန်တီးနိုင်ပြီး coding ကိုလည်း သိစရာမလိုအောင် ဖန်တီးပေးထားပါတယ်။ GPTs က မကြာခင် ကိုယ်ပိုင် Store ပုံစံမျိုး၊ GPT Store မှာ အသုံးပြုသူတွေအတွက် Tools တွေသုံးစွဲလို့ရအောင် features တွေထည့်သွင်းပေးထားမှာ ဖြစ်ပါတယ်။ GPT-4 Turbo လို့ခေါ်တဲ့ နောက်ဆုံး version ကိုလည်းမိတ်ဆက်ပြသခဲ့ပါတယ်။ စာမျက်နှာပေါင်း ၃၀၀ လောက်ရှိတဲ့ ဒေတာအချက်အလက်တွေကို အချိန်တိုအတွင်း ထည့်သွင်းတွက်ချက်နိုင်အောင် upgrade လုပ်ထားပါတယ်။ Developers နှစ်သန်းကျော် နေ့စဉ်အသုံးပြုကြပြီး ကုမ္ပဏီပေါင်း ၅၀၀ ကျော်ထဲက ၉၀% က GPTs ကို အသုံးပြုလာပါတယ်။ ယခုလက်ရှိမှာ GPTs ကို နေ့စဉ်အသုံးပြုသူပေါင်း ၁၀၀ မီလီယံအထက် ရှိနေပါတယ်။
Humane’s AI Pin ရောက်ရှိလာပါပြီ
Humane’s AI Pin ဆိုတာက ဖုန်းအရွယ်အစားထက်သေးငယ်ပြီး AI အကူအညီနှင့် အရာအားလုံးကို လုပ်နိုင်တဲ့ Device လေးဖြစ်ပါတယ်။ သေးငယ်တဲ့ projector, speakers တွေပါဝင်ပြီး ဖုန်းခေါ်ဆိုခြင်း၊ လူတစ်ယောက်ရဲ့ စကားကို ဘာသာချက်ချင်း ပြန်ပေးနိုင်ခြင်း စသဖြင့် AI ရဲ့အကူအညီနှင့် လုပ်ဆောင်နိုင်ပါတယ်။ Humane’s AI Pin အကြောင်းကိုတော့ ဒီမှာ ဖတ်ရှုနိုင်ပါတယ်။ November 16 ရက်နေ့ကစပြီး ဒေါ်လာ ၆၉၉ နှင့် စျေးကွက်ထဲမှာ ဝယ်ယူနိုင်မှာ ဖြစ်ပါတယ်။
Elon Musk ရဲ့ Grok AI
Elon Musk ကလည်း အားကျမခံ AI ခေတ်ထဲမှာ Grok AI ကို မိတ်ဆက်လိုက်ပါတယ်။ Grok AI က မေးခွန်းတွေကို ပြန်ဖြေပေးတဲ့ AI မျိုးဖြစ်ပါတယ်။ Grok က အခြား AI တွေနှင့်မတူတဲ့အချက်က ဟာသလေးတွေပြောပြတာမျိုးဖြစ်ပါတယ်။ လက်ရှိ X မှာဖြစ်ပျက်နေတဲ့ အချက်အလက်တွေနှင့် Train ထားတဲ့ AI ဖြစ်တာကြောင့် အကြောင်းအရာအချို့ကို သိနေပြီး ဟာသလည်း ပြောနိုင်တဲ့ AI အမျိုးအစားဖြစ်ပါတယ်။ လက်ရှိမှာတော့ စမ်းသပ်နေတဲ့ကာလဖြစ်ပြီး X premium မှာတော့ တစ်လကို ၁၆ ဒေါ်လာနှင့် အသုံးပြုနိုင်မယ်လို့ ပြောကြားခဲ့ပါတယ်။ Elon Musk က OpenAI ရဲ့ co-founder တစ်ယောက်ဖြစ်ခဲ့ပေမယ့် vision မတူညီတာကြောင့် ရာထူးက နှုတ်ထွက်သွားခဲ့ပါတယ်။
တိုက်ခိုက်ခြင်းခံလိုက်ရတဲ့ OpenAI
Developer Conference ပြီးတဲ့ နှစ်ရက်မြောက်နေ့မှာပဲ OpenAI ရဲ့ servers တွေ down ပြီး တိုက်ခိုက်ခံလိုက်ရပါတယ်။ ဒီအကြောင်းအရာနှင့် ပတ်သတ်ပြီး company က သူတို့ရဲ့ website မှာ ရေးသားခဲ့ပါတယ်။ ဒီတိုက်ခိုက်မှုကို DDOS (Distributed Denial of service) လို့ခေါ်ပါတယ်။ ပုံမှန်သွားနေတဲ့ network traffic တွေနှေးသွားပြီး users တွေအသုံးပြုလို့မရ ဖြစ်သွားခဲ့ပါတယ်။
ထို့အပြင် Amazons ကလည်း ကိုယ်ပိုင် AI ဖြစ်တဲ့ Olympus ကို မကြာခင်ချပြဖို့ ကြိုးစားနေပါတယ်။ ဒီ project အတွက် ဒေါ်လာသန်းနဲ့ချီ ရင်းနှီးမြှုပ်နှံမှုတွေ လုပ်နေပါတယ်။ Youtube ကလည်း AI Tools တွေကို စမ်းသပ်နေပြီး အသုံးပြုသူတွေအပေါ် အကောင်းဆုံး videos တွေ recommend လုပ်နိုင်ဖို့ ကြိုးပမ်းနေပါတယ်။ မကြာမီ နှစ်အနည်းငယ်အတွင်းမှာတော့ AI တွေ အပြိုင်နိုးထလာပြီး လူသားတွေနှင့် AI လက်တွဲမှုက ပိုခိုင်မြဲလာမှာ ဖြစ်ပါတယ်။