ဒီတစ်ပတ်မှာတော့ Yahoo Finance က ပြောပြတဲ့ တစ်ပတ်ကို US $750 နှင့်အထက် ဝင်နိုင်တဲ့ Passive Income နည်းလမ်းအကြောင်းကို တင်ပြလိုက်ပါတယ်။ ဒီနည်းလမ်းက လူတော်တော်များများမှာ ရှိပြီးသားဖြစ်ပေမယ့် လက်တွေ့မှာ မမြင်ကြတာဖြစ်ပါတယ်။ အချို့နည်းလမ်းတွေက ပိုက်ဆံအနည်းငယ်လိုပြီး အချို့နည်းလမ်းက သင့်အတွေ့အကြုံတွေရှိရုံနဲ့ ဖြစ်နိုင်ပါတယ်။
၁။ Online Reseller
![](https://bunny-wp-pullzone-wi4ruizkvc.b-cdn.net/wp-content/uploads/2024/05/blog_bulq-reselling-basics_767x446.jpg)
သင့်မှာ supplier ကောင်းကောင်းတစ်ယောက်ရှိရင် သင်ကြိုက်တဲ့ စျေးနှုန်းကို သတ်မှတ်ပြီး Online မှာ တင်ရောင်းနိုင်ပါတယ်။ သင့်ရဲ့ ပစ္စည်းက အမှန်တစ်ကယ်ကောင်းတယ်၊ သင့်မှာလည်း လုံလောက်တဲ့ followers တွေရှိရင်တော့ အချိန်တိုအတွင်းလေးမှာ သင့်လုပ်ငန်းက အောင်မြင်မှုရသွားနိုင်ပါတယ်။ အချိန်တစ်ခုတော့ ပေးဖို့ လိုအပ်ပါတယ်။ ဒီလုပ်ငန်းအဆင်ပြေရင် သင့်ရဲ့ အဓိက အလုပ်အနေနှင့်လည်း ပြောင်းလဲသွားနိုင်ပါတယ်။
၂။ Consultant
Consultant တစ်ယောက်ဖြစ်ဖို့အတွက် သင့်မှာ လုံလောက်တဲ့ အတွေ့အကြုံနှင့် ဗဟုသုတကောင်းကောင်း ရှိဖို့လိုပါတယ်။ သင်က IT ပညာရှင်တစ်ယောက် (သို့) ဆောက်လုပ်ရေးနယ်ပယ်ထဲက လူတစ်ယောက်ဆိုရင်တော့ သင်အားတဲ့အချိန်မှာ အကြံပေးအနေနှင့် လုပ်ဆောင်နိုင်ပါတယ်။ သင့်လုပ်ငန်းအောင်မြင်လာခဲ့ရင်တော့ သင်ကိုယ်တိုင် consultant company ဖွင့်လို့ရနိုင်ပါတယ်။ Consultant တစ်ယောက်ကို ငှားရမ်းဖို့ဆိုရင် တစ်နာရီကို ဒေါ်လာ ၁၀၀ က စပြီး စျေးနှုန်းအစားစားရှိတယ်လို့ သိရပါတယ်။
၃။ Advertise on your car
ဒီနည်းလမ်းကတော့ လူအတော်များများ သိပြီးသားဖြစ်ပါတယ်။ အချို့ ကြော်ငြာ companies တွေက သင့်ရဲ့ ကားပေါ်မှာ ကြော်ငြာကို ကပ်ချင်ကြပါတယ်။ ဒီနေ့ခေတ်မှာတော့ LED board အသေးလေးတွေပါ ပေါ်လာတာကြောင့် Delivery ပို့တဲ့ဆိုင်ကယ်တွေမှာပါ တပ်ဆင်လာာကြပြီ ဖြစ်ပါတယ်။ တစ်လကို US 100 လောက်ကစပြီး ရရှိနိုင်ပါတယ်။ နိုင်ငံအနှံ့ပေါ်မူတည်ပြီး စျေးနှုန်းတွေလည်း ပြောင်းလဲသွားနိုင်ပါတယ်။
၄။ Rental Income
မြေနေရာလိုအပ်မှုက တစ်နှစ်ထက်တစ်နှစ် မြင့်တက်လာပါတယ်။ တိုးတက်လာတဲ့ခေတ်ကြီးနှင့်အတူ လုပ်ငန်းလိုအပ်ချက်၊ အိမ်ခန်းတွေလိုအပ်မှုက များလာပါတယ်။ အကယ်၍ သင့်မှာ ပစ်ထားပြီးလူမနေတဲ့ ဂိုဒေါင်အခန်းမျိုးရှိရင်ဖြစ်ဖြစ်၊ အခန်းလွတ်တစ်ခုဖြစ်ဖြစ် Decoration လုပ်ပြီး ပြန်လည်ငှားရမ်းခြင်းဖြင့် လစဉ်ပုံမှန် ဝင်ငွေရရှိနိုင်ပါတယ်။