တစ်ခါတစ်ရံမှာ ကျွန်တော်တို့ သုံးနေကျ Power Bank Battery တွေ ဖောင်းလာတာကို ကြုံဖူးတွေ့ဖူးကြမှာပါ။ ဒီ Battery တွေက ဘာလို့ ဖောင်းလာရတာလဲ။ ဒီလို ဘက်ထရီ တွေကိုရော ဆက်သုံးလို့ရသေးလား ဆိုတာနဲ့ပက်သက်ပြီး ပြောပြပေးသွားမှာပါ။
Power Bank Battery တွေ ဘာလို့ဖောင်းကြွလာရတာလဲ?
ဘက်ထရီ တွေဖောင်းလာရခြင်းပထမဦးဆုံးအချက်ကတော့ Overcharging လုပ်တာများလို့ပါ။ Overcharge လုပ်တာများလာလို့ရှိလျှင် Battery Cell အတွင်းမှာရှိတဲ့ လျှပ်စစ်စီးကြောင်း (Current) ကို တိုးလာစေပြီးတော့ အပူ နဲ့ Gas ကို ပိုထုတ်ပေးတဲ့အတွက် Battery size ကို နဂိုမူလထက် ပိုပြီး ဖောင်းလာစေပါတယ်။
ဒုတိယအချက်ကတော့ Power Bank တွေမှာ သုံးထားတဲ့ Battery အမျိုးအစားတွေကြောင့်ပါပဲ။
Power Bank တွေမှာ အများဆုံး အသုံးပြုတာက Lithium-Ion Battery အမျိုးအစား တွေဖြစ်ပြီးတော့ ဒီ battery အမျိုးအစားတွေက Charging Cycle 500 အထိသာ အကောင်းဆုံး အသုံးပြုနိုင်တာပါ။ Charging Cycle 500 ကျော်သွားပြီဆိုရင်တော့ Battery တွေက Overcharge နဲ့ Overheat တွေ ဖြစ်လာစေပါတယ်။ ဒီအချက်ကလည်း Battery တွေကို ဖောင်းကြွလာခြင်းရဲ့ အကြောင်းအရင်းတစ်ခုပါပဲ။
တစ်ခါတစ်ရံမှာတော့ Power Bank တွေက အသုံးမပြုတာကြာလို့ပဲဖြစ်ဖြစ် ပူတဲ့ နေရာမှာ သိမ်းမိရင်ပဲဖြစ်ဖြစ် Battery ဖောင်းလာတာမျိုးတွေ ဖြစ်တတ်ပါတယ်။
ဒါဆို ဒီလို ပုံမှန် အနေအထားမဟုတ်တော့တဲ့ Power Bank တွေကို ဆက်ပြီးသုံးသင့်သေးလား?
ဒီမေးခွန်းအတွက် အဖြေကတော့ ဆက်ပြီး မသုံးသင့်တော့ဘူး ဆိုတာပါပဲ။ ဒီလို ဖောင်းနေတဲ့ Power Bank တွေကို ဆက်ပြီး အားသွင်းပြီး သုံးနေဦးမယ်ဆိုရင်တော့ Battery အတွင်းမှာ Gas တွေပိုစုမိလာပြီး အပူလွန်ပြီး မီးလောင်ကျွမ်းတာတို့ ပေါက်ကွဲတာတို့ ဖြစ်လာနိုင်ပါတယ်။ ဒီလို Power Bank တွေ ဖောင်းလာပြီဆိုရင်တော့ အသစ်တစ်လုံးဝယ်လိုက်တာက အကောင်းဆုံးဖြစ်မှာပါ။
အသစ်ဝယ်ထားတဲ့ Power Bank တွေကိုရော ဒီလို မဖောင်းလာအောင် ဘယ်လို ကာကွယ်နိုင်မလဲ?
၁။ ယုံကြည်စိတ်ချရတဲ့ Brand က Power Bank ကိုသာဝယ်ပါ။ တချို့ trusted Brand တွေက Overcharge လုပ်တာကို ကာကွယ်ပေးတဲ့ Circuit တွေပါဝင်တာကြောင့် ဒီလိုအမျိုးအစားတွေကို ဦးစားပေးရွေးချယ်ပါ။
၂။ Power Bank တွေကို အမြဲတမ်း Plugged in လုပ်ပြီး အားမသွင်းထားပါနဲ့။ Lithium-Ion battery အမျိုးအစားတွေက Discharge & Recharge ကို အမြဲတမ်း cycle လုပ်နေတာဖြစ်တဲ့အတွက်ကြောင့် အမြဲတမ်း အားသွင်းထားမယ်ဆိုရင် Discharge မလုပ်နိုင်တော့ဘဲ Battery တွေကို ပိုပြီးပျက်စီးစေနိုင်ပါတယ်။ ဒါကြောင့် Power Bank တွေပဲဖြစ်ဖြစ် Laptop တွေပဲဖြစ်ဖြစ် အားပြည့်သွားရင် အားသွင်းကြိုးကို ဖြုတ်ထားပေးတာက ပိုကောင်းပါလိမ့်မယ်။
၃။ Power Bank နဲ့ကိုက်တဲ့ Power Charger ကိုသာ အသုံးပြုပေးပါ။ တစ်ခါတစ်ရံမှာ နဂိုပါလာတဲ့ Original Charger က ပျက်သွားလို့ဖြစ်စေ ပျောက်သွားလို့ဖြစ်စေ အသစ်ဝယ်သုံးတဲ့အခါ ဈေးသက်သာတာကို ပြန်ဝယ်သုံးမယ်ဆိုရင်တော့ Output Power မကိုက်ဘဲ Battery တွေကို ပျက်စီးစေနိုင်ပါတယ်။
၄။ Power Bank တွေကို ခြောက်သွေ့ပြီး အေးတဲ့နေရာတွေမှာသာ သိမ်းဆည်းပေးပါ။ ပူပြီးစိုစွတ်တဲ့နေရာတွေက Battery ကျန်းမာရေးအတွက် အဓိက ရန်သူတွေပါပဲ။
၅။ Power Bank Battery တွေက မကောင်းတော့ဘူးထင်ရင် အသစ် အစားထိုးလိုက်ပါ။ မကောင်းတော့တဲ့ Power Bank တွေကို ဆက်သုံးမယ်ဆိုရင် ကိုယ့် Phone Battery တွေကိုပဲ ပိုထိခိုက်လာစေနိုင်တဲ့အတွက် အသစ်ပြန်ဝယ်လိုက်တာက ပိုကောင်းပါလိမ့်မယ်။
ဒါဆိုရင်တော့ ကျွန်တော်တို့ အခုလတ်တလောမှာ မရှိမဖြစ်အသုံးပြုနေရတဲ့ Power Bank တွေကို အကောင်းဆုံးဘယ်လိုထိန်းသိမ်းရမလဲဆိုတာ အနည်းငယ်သိရှိသွားဖို့ မျှော်လင့်ပါတယ်။
#TechKnowledge #swollen_battery #ဘက်ထရီဖောင်းလာခြင်း