Apple ကို စောင့်ကြည့်ပြီး သုံးသပ်မှုတွေပြုလုပ်နေတဲ့ Ming-Chi Kuo ရဲ့ ပြောပြချက်အရ နောက်ထပ် ထွက်လာမယ့် iPad Mini ဟာ processor အသစ်ကို သုံးထားမှာ ဖြစ်ပြီး ၂၀၂၃ အကုန် မဟုတ်ရင် ၂၀၂၄ ပထမ လဝက်လောက်မှ ဈေးကွက်ထဲကို ရောက်မှာဖြစ်ကြောင်း သိရပါတယ်။ ဒါဟာ Apple ရဲ့ ထုတ်ပြန်ချက် မဟုတ်ပဲ Ming-Chi Kuo ရဲ့ သုံးသပ်မှုသာ ဖြစ်လို့ အတိအကျတော့ မှတ်ယူလို့ မရသေးပါဘူး။
Apple ဟာ iPad Mini ကို ၂၀၁၂ ခုနှစ်မှာ စတင် ထုတ်လုပ်ခဲ့တာဖြစ်ပြီး ၂၀၂၁ မှာ ဒီဇိုင်းအသစ် ပြောင်းလဲထုတ်လုပ်ခဲ့ပါတယ်။ ထိုနောက်ပိုင်းမှာတော့ ကြီးမားတဲ့ ပြောင်းလဲမှုတွေ မရှိသေးပါဘူး။ Ming-Chi Kuo ရဲ့ ပြောပြချက်အရ iPad Mini အသစ်မှာ အဓိကထားပြီး ရောင်းချမှာကတော့ processor ဖြစ်တယ်လို့ သိရပါတယ်။
ထို့ကြောင့် အသစ် ထွက်လာမယ့် iPad Mini ဟာ လက်ရှိ iPhone 14 pro မှာ အသုံးပြုထားတဲ့ A16 Bionic chip ကိုပဲ သုံးထားမလား (သို့မဟုတ်) M-serises chip တွေကိုပဲ သုံးထားမလားဆိုတာ ဘယ်သူမှ ခန့်မှန်းလို့ မရသေးပါဘူး။ သေချာတာကတော့ iPad Mini အသစ်ကို မြင်ရဖို့ရန် ကျွန်တော်တို့ တစ်နှစ်ထပ်စောင့် ရနိုင်ချေ ရှိနေပြီး ဖြစ်ပါတယ်။
Discussion about this post