Microsoft က Surface Pro နဲ့ Surface Laptop တွေရဲ့ ပိုသေးပြီး စျေးသက်သာတဲ့ မော်ဒယ်အသစ်တွေကို မိတ်ဆက်လာနိုင်

Microsoft က Surface Pro နဲ့ Surface Laptop တွေရဲ့ ပိုသေးပြီး စျေးသက်သာတဲ့ မော်ဒယ်အသစ်တွေကို မကြာခင်မှာ မိတ်ဆက်နိုင်တယ်လို့ သတင်းတွေထွက်နေပါတယ်။ သတင်းများအရ ARM-powered Surface device တွေကို ဒီနှစ်နွေဦးမှာ ကြေညာနိုင်တယ်လို့ သိရပြီး၊ စျေးနှုန်းက $800 ကနေ 900 အတွင်း ရှိနိုင်တယ်လို့ ဆိုပါတယ်။

မနှစ်ကပဲ Qualcomm Snapdragon X-powered သုံးထားတဲ့ Surface Device တွေကို Microsoft က မိတ်ဆက်ခဲ့တာ ဖြစ်ပြီး၊  Windows Central ရဲ့ အစီရင်ခံစာအရ ဒီနှစ်နွေဦးမှာပဲ Surface Laptop နဲ့ Surface Pro 2-in-1 တွေရဲ့ မော်ဒယ်အသစ်တွေကို 11 လက်မကနေ 12 လက်မ အရွယ်အစားဖြင့်တွေ့ရနိုင်ပြီး Windows on Arm စနစ်တွေနဲ့ ပိုပေါ့ပါးပြီး ဒီဇိုင်းဆန်းတဲ့ ပုံစံမျိုးနဲ့ ထုတ်လုပ်လာနိုင်တယ်လို့ သိရပါတယ်။

Microsoft က လာမယ့်အပတ်မှာ “Surface for Business” ဆိုတဲ့ Major ပွဲတစ်ခုကို စီစဉ်ထားပြီး၊ ဒီပွဲမှာ Intel ရဲ့ Lunar Lake chips တွေပါဝင်တဲ့ Surface Laptop 7 နဲ့ Surface Pro 11 CoPilot Plus PCs တွေရဲ့ မျိုးကွဲတွေကို မိတ်ဆက်နိုင်တယ်လို့ သုံးသပ်ထားကြတာ ဖြစ်ပါတယ်။ အဆိုပါ Device တွေကို သူတို့ရဲ့ Business customer များအတွက် ရည်ရွယ်ထားတယ်လို့ သိရပါတယ်။ စျေးသက်သာပြီး ပိုသေးတဲ့ Surface Laptop တွေကိုတော့ ဘယ်ချိန်မိတ်ဆက်မလဲဆိုတာ မသိရသေးပေမယ့် Snapdragon X Plus ဒါမှမဟုတ် Snapdragon X လို စျေးသက်သာတဲ့ Chipsets တွေကို အသုံးပြုနိုင်တယ်လို့ ခန့်မှန်းထားကြပါတယ်။