Apple က Buy Now Pay Later Service ကို မိတ်ဆက်

မတ်လ ၂၈ရက်နေ့ကစပြီး Buy Now Pay Later (BNPL) Service ကို Apple Pay Later နဲ့ အသုံးပြုလို့ရပြီ ဖြစ်ကြောင်း ကြေငြာလိုက်တာဖြစ်ပါတယ်။ ဒါပေမယ့် US တစ်နိုင်ငံထဲပဲ သုံးလို့ရအုံးမှာပါ။

Apple က အခုလို Pay Later Service ကို မိတ်ဆက်လိုက်ခြင်းကြောင့် fintech ကဏ္ဍမှာ လွှမ်းမိုးထားတဲ့ ကုမ္ပဏီတွေအတွက်တော့ ထိခိုက်မှုတွေ ရှိနေတယ်လို့ သိရပါတယ်။ Apple ရဲ့ ပြောပြမှုအရ Apple Pay Later Services မှာ ငွေပေးချေမှု စနစ် (၄)မျိုးအထိ ရှိမှာဖြစ်ပြီး (၆) လ ကျော်လောက်အထိ အကျိုးအမြတ်တစ်ခုမှ မယူဘူးလို့ သိရပါတယ်။ ဒါ့အပြင် Mastercards Installments Program မှာ Apple Pay Later Services ပါဝင်ကြောင်း Apple က ပြောထားပါသေးတယ်။

အသုံးပြုသူများဟာ iPhone တွေ iPad တွေထဲက Apple Pay ကို အသုံးပြုကာ Online ကတစ်ဆင့် ဒေါ်လာ ၅၀ မှ ၁၀၀၀ အထိ ချေးနိုင်အုံးမှာ ဖြစ်တယ်လို့ သိရပါတယ်။ Apple ရဲ့ Pay Later Services ကို လက်လီသမား ၈၅ ရာနှုန်းလောက်က လက်ခံတာဖြစ်ကြောင်း Apple က ပြောပါတယ်။ လက်လီသမားတွေအတွက်တော့ ဒီ Service ဟာ အဆင်ပြေစေပေမယ့် တစ်ဖက်မှာ BNPL services ကို ပေးနေတဲ့ ကုမ္ပဏီတွေအတွက်တော့ ထိခိုက်မှုတွေရှိနေတာ တွေ့ရပါတယ်။